İdman

Elvin Cəfərquliyev: "Onların əziyyəti danılmazdır"

24 Yanvar 2026 19:03

Baxış: 1 161

VTB-də minimal faiz dərəcəsi ilə nağd kredit 9.9%-dən

#AZƏRBAYCAN FUTBOLU

"Qarabağ"ın futbolçusu Elvin Cəfərquliyev UEFA Çempionlar Liqasında əsas mərhələnin VII turunun rəmzi komandasına düşdüyü üçün qürur duyur.

Milli.Az xəbər verir ki, Azərbaycan millisinin üzvü rəmzi "11-liy"ə seçilməsi ilə bağlı fikirlərini bölüşüb:

"Bütün komanda yoldaşlarıma, məşqçilər heyətinə, klubuma təşəkkür edirəm. Mənə çox dəstək oldular. UEFA Çempionlar Liqasında həftənin rəmzi komandasına düşmüşənsə, burada çox insanın mənə dəstəyi, köməyi olub. Onların da əziyyəti danılmazdır. Hamısına təşəkkür edirəm. Təbrik edənlərə də minnətdaram. Həftənin rəmzi heyətinə düşdüyüm üçün çox qürurluyam. Əlimdən gələni edəcəyəm ki, yenidən həmin heyətdə olum".

Qeyd edək ki, "Qarabağ" Liqa mərhələsinin VII turunun oyununda Bakıda Almaniyanın "Ayntraxt" (Frankfurt) klubunu məğlub edib.

Milli.Az