İdman

Balotelli 2-ci divizionunda oynayacaq

8 Yanvar 2026 11:13

Baxış: 1 519

VTB-də minimal faiz dərəcəsi ilə nağd kredit 9.9%-dən

#TRANSFERLƏR #İNTER #FUTBOL #LİVERPUL #MANÇESTER SİTİ #MİLAN FK #BİRLƏŞMİŞ ƏRƏB ƏMİRLİYİ

İtaliya millisinin sabiq üzvü Mario Balotellinin karyerasını harada davam etdirəcəyi məlum olub.

Milli.Az xarici mətbuata istinadən xəbər verir ki, tanınmış insayder Canluka Di Marsio 35 yaşlı hücumçunun Birləşmiş Ərəb Əmirliklərinə transfer olunacağını açıqlayıb. Bildirilir ki, Balotelli BƏƏ təmsilçisi "Əl-İttifaq" klubu ilə 2,5 illik müqavilə bağlamağa yaxındır.

Hazırda "Əl-İttifaq" ölkə çempionatının ikinci divizionunda mübarizə aparır və turnir cədvəlinin son sırasında yer alır.

Qeyd edək ki, Mario Balotellinin son klubu İtaliyanın "Cenoa" komandası olub. Hücumçu 2024/2025 mövsümündə bu kollektivin heyətində altı oyuna çıxsa da, qol və ya məhsuldar ötürmə ilə yadda qalmayıb. O, 2025-ci ilin yayında klubla yollarını ayırıb.

Xatırladaq ki, Balotelli peşəkar karyerası ərzində "İnter", "Milan", "Mançester Siti" və "Liverpul" kimi tanınmış klubların formasını geyinib.

Hüseyn
Milli.Az