İdman

Sadəttin Saran: "Mənə qarşı sui-qəsd həyata keçirilir"

22 Dekabr 2025 23:38
Baxış: 1 088
VTB-də minimal faiz dərəcəsi ilə nağd kredit 9.9%-dən
#FƏNƏRBAĞÇA

İstanbul Cümhuriyyət Baş Prokurorluğu tərəfindən aparılan "narkotik" istintaqı çərçivəsində şübhəli qismində ifadəyə çağırılan və məhkəmə nəzarəti şərti ilə sərbəst buraxılan "Fənərbaxça" prezidenti Sadəttin Saran gündəmi sarsıdan iddialara münasibət bildirib. Saran ona qarşı "qərəzli əməliyyat" aparıldığını qeyd edərək, hüquqi proses başladacağını elan edib.

Milli.Az xəbər verir ki, Sadəttin Saran sosial media hesabından etdiyi açıqlamada, xüsusilə "WhatsApp" qruplarında yenidən dövriyyəyə buraxılan köhnə video və paylaşımların saxta olduğunu vurğulayıb:

"Məqsədli şəkildə yayılan və illər əvvəl təkzib edilmiş, mənimlə heç bir əlaqəsi olmadığı qəti şəkildə sübut olunmuş görüntülər vasitəsilə mənə qarşı qarayaxma kampaniyası aparılır. Bu materialların bu gün yenidən ortaya atılması açıq-aşkar bir 'nüfuz sui-qəsdi'dir."

Saran həmçinin bəzi media qurumlarında şəxsi həyatına dair edilən şərhlərin mətbuat etikasına və qanunlara zidd olduğunu bildirib. O, həm bu görüntüləri yayanlar, həm də şəxsiyyət hüquqlarını pozan media nümayəndələri barədə dərhal vəkilləri vasitəsilə cinayət işi qaldırılacağını bəyan edib.

Xatırladaq ki, İstanbulda aparılan narkotik istintaqı çərçivəsində Sadəttin Saranın adı hallanmış və onun hazırda həbsdə olan Ela Rümeysa Cebeci ilə dialoqlarının və videolarının məhkəmə işinə daxil edildiyi iddia olunmuşdu. 

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.