İdman

Rəşad Sadıqov “Neftçi” ilə oyundan danışdı

3 Oktyabr 2025 23:03
Baxış: 1 243
VTB-də minimal faiz dərəcəsi ilə nağd kredit 9.9%-dən
#AZƏRBAYCAN FUTBOLU

"Futbolçularımı alqışlayıram, çox yaxşı oyun sərgilədilər. Bir neçə real qol imkanımız oldu, amma dəyərləndirə bilmədik. Penalti sayəsində hesabı bərabərləşdirdik". 

Milli.Az-ın məlumatına görə, bu sözləri "Zirə"nin baş məşqçisi Rəşad Sadıqov Misli Premyer Liqasının "Neftçi" ilə oyunundan sonra (2:2) oyundan sonra təşkil olunan mətbuat konfransında deyib.

Sadıqov komandasının mübarizəsindən razı qaldığını bildirib: "Ümumilikdə baxımlı oyun alındı. Meydançanın durumu da yaxşı idi, bu da keyfiyyətə təsir göstərdi. Oyunçulara qısa istirahət veriləcək, sonra hazırlıqlar davam edəcək. Təəssüf ki, Ayron Qomisin qırmızı vərəqəsi bizi üzdü."

Zədəlilərlə bağlı danışan Sadıqov əlavə edib: "Volkov və Cibrilla ən az 5-6 həftə meydanda olmayacaq. Bu da hücum xəttində ciddi çətinlik yaradır".

Yeni transfer Yeqor Boqomolskiyə də toxunan baş məşqçi onun istəkli və çalışqan olduğunu deyib: "Hər oyunda qol fürsəti yaradır, sadəcə fərqlənmək şansı hələ ki, alınmayıb. Ancaq inkişaf edərək komandaya böyük fayda verəcək".

Sonda Sadıqov hücumdakı problemləri xüsusi vurğulayıb: "Bu mövsüm hücum xəttində əziyyət çəkirik. Brahim Konate də zədəli idi, amma məcburiyyətdən meydana çıxdı. Ümid edirəm, yaxın zamanda vəziyyət düzələcək. Sonluq çox dramatik alındı. Yüzfaizli qol epizodu bizdə çox idi. Topun qapı xəttini keçib-keçmədiyini bilmirəm. Futbolçularım irəli atıldılar, penalti ilə hesabı bərabərləşdirdik".

Milli.Az
 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.