İdman

Qurban Qurbanov açıqladı: "Qarabağ" 2 hücumçu ilə danışıqlar aparır

31 Avqust 2025 20:05

Baxış: 701

VTB-də yüksək depozit faizleri daha çox qazandırır

#AZƏRBAYCAN FUTBOLU

"Qarabağ"ın baş məşqçisi Qurban Qurbanov klub ilə adı hallanan futbolçular barədə açıqlama verib.

Milli.Az xəbər verir ki, 53 yaşlı mütəxəssis "Karvan"a qarşı Misli Premyer Liqasının III tur oyunundan (2:0) sonra keçirilən mətbuat konfransında jurnalistlərin suallarını cavablandırıb. O, klubun Samba Sumano və Juninyo ilə maraqlandığını təsdiqləyib:

"Bəli, danışıqlar gedir. Biz tərəfimizdən ciddi təklif də olub. Ola bilər ki, biz Çempionlar Liqasının əsas mərhələsinə düşdük deyə, qarşı tərəf ola bilər ki, daha çox yuxarıdan getməyə başladı. Biz də danışıqlar aparırıq. Vaxtımız azdır. Hər bir halda, son dəqiqəyə qədər danışıqlar gedəcək. Birdən-birə danışıq çox çətinləşməyə başladı", deyə Q.Qurbanov qeyd edib. (Offsideplus.az)

Milli.Az