İdman

Soydaşımız Kaliforniyada keçirilən MMA döyüşündə qalib gəlib - FOTO

12 Avqust 2025 16:49

Baxış: 476

VTB-də yüksək depozit faizleri daha çox qazandırır

#MMA

ABŞ-də yaşayan azərbaycanlı MMA döyüşçüsü Mirmahmud Seyidzadə Kaliforniyanın Stokton şəhərində keçirilən "209 Beatdown" turnirində qələbə qazanıb.

Milli.Az xəbər verir ki, bu barədə Diasporla İş üzrə Dövlət Komitəsi məlumat yayıb.

Bildirilib ki, Kaliforniyadakı Azərbaycan icmasının fəal üzvü olan Mirmahmud, soyuqqanlılığı, dəqiqliyi və texniki üstünlüyü ilə rəqibini məğlub edərək karyerasında önəmli bir nailiyyətə imza atıb. Döyüşdən sonra üçrəngli bayrağımızı qürurla nümayiş etdirən idmançı, bu zəfəri həm Vətəninə, həm də onu dəstəkləyən insanlara həsr etdiyini bildirib.

Qeyd edək ki, Mirmahmud Seyidzadə peşəkar idmançı olmaqla yanaşı, San Xose Dövlət Universitetində hüquq təhsili alan tələbədir. O, dünyaca məşhur "American Kickboxing Academy"nin yetirməsidir. Məhz bu akademiya Həbib Nurməhəmmədov, Daniel "DC" Cormier və Cain Velasquez kimi tanınmış idmançıları yetişdirib.

Milli.Az