İdman

Bekhemdən radikal qərar: Mövsüm bitməmiş 17 oyunçunu qovdu

14 May 2025 15:00

Baxış: 501

VTB-də minimal faiz dərəcəsi ilə nağd kredit 10.49%-dən

#DÜNYADA #MARAQLI #İDMAN #FUTBOL

MLS təmsilçisi "İnter Mayami"nin sahibi Devid Bekhem bu dəfə diqqətini vətəni İngiltərəyə yönəldib. Keçmiş ingilis ulduz futbolçu İngiltərə 4-cü liqa təmsilçisi "Salford City" klubunun əsas səhmdarına çevrilib və dərhal radikal addım atıb.

Milli.Az xəbər verir ki, uzun illər "Mançester Yunayted"də olan komanda yoldaşları - Rayan Giqqz, Fil Nevill, Pol Skoulz və Niki Battla birgə kiçik pay sahibi olan Bekhem indi yalnız Qari Nevill ilə birlikdə klubun əsas sahibinə çevrilib.

Yeni rəhbərlik ilk ciddi qərarını verib: Mövsümü səkkizinci pillədə başa vuran klub 17 futbolçu ilə yollarını ayırıb. Siyahıda azarkeşlərin sevimlisi və klub əfsanəsi sayılan Metyu Lundun da yer alması böyük rezonans doğurub.

Bu kütləvi dəyişikliklər "Salford City" üçün gərgin keçəcək yay transfer pəncərəsinin başlanğıcı kimi qiymətləndirilir. Bekhem və Nevillin komandanı yenidən qurmaq istiqamətində qətiyyətli olduğu aydın görünür. Klubun gələcəkdə necə formalaşacağı isə maraqla gözlənilir.

Fidan
Milli.Az