Daha bir cüdoçumuz bürünc medal qazandı

19:43

Monteneqronun paytaxtı Podqoritsa şəhərində cüdo üzrə Avropa çempionatı davam edir.

Milli.Az xəbər verir ki, yarışın ikinci günündə Azərbaycan növbəti medalını qazanıb.

73 kq çəki dərəcəsində Rəşid Məmmədəliyev 1/16 final Benjamin Levi (Böyük Britaniya) ilə üz-üzə gəlib və rəqibini məğlub edib. O, ardınca Otari Kvantidzedən (Portuqaliya) də güclü olub. Məmmədyarov 1/4 finalda Hidayət Heydərovun Paris-2024 Yay Olimpiya Oyunlarında qalib gəldiyi Joan-Benjamin Qabanı (Fransa) sınağa çəkib. Rəşid də onunla dueldən qalib ayrılaraq yarımfinala yüksəlib. O, bu mərhələdə Danil Lavrentevlə (İJF) gücünü yoxlayıb. Təəssüf ki, cüdoçumuz uğurlu seriyanı davam etdirə bilməyib.

Rəqib qələbə qazandığından Məmmədəliyev bürünc medal uğrunda Daniel Zeqedi (Macarıstan) ilə mübarizə aparıb. Təmsilçimiz qalib gələrək bürünc medala sahib çıxıb.

------------
18:06

Monteneqronun paytaxtı Podqoritsada cüdo üzrə Avropa çempionatı keçirilir.

Milli.Az xəbər verir ki, bu gün Azərbaycanın daha iki cüdoçusu mübarizəyə başlayıb.

Rəşid Məmmədəliyev (73) 1/16 finalda Benjamin Levi (Böyük Britaniya) ilə üz-üzə gəlib və rəqibini məğlub edib. O, ardınca Otari Kvantidzedən (Portuqaliya) də güclü olub. Məmmədyarov 1/4 finalda Joan-Benjamin Qabana (Fransa) qalib gələrək yarımfinala yüksəlib. O, bu mərhələdə Danil Lavrentevlə (İJF) qarşılaşıb və ipponla məğlub olub.
Rəqib növbəti görüşdə qələbə qazandığından Məmmədəliyev bürünc medal uğrunda Daniel Zeqedi (Macarıstan) ilə mübarizə aparacaq.

Bu gün mübarizəyə qoşulan Fidan Əlizadə (57 kiloqram) isə  1/16 finalda Anastasiya Sokiryanskanı (Latviya)  məğlub edib. O, 1/8 finalda Benta Ndiayeə (İsveçrə)  məğlub olaraq turnirlə vidalaşıb.

Qeyd dək ki, ötən gün beş idmançımız turnirdə mübarizə aparıb. Onlardan yalnız Əhməd Yusifov (60 kq) bürünc medal qazanmağı bacarıb.

Əlavə edək ki, Azərbaycan yığması Avropa çempionatında həm fərdi idmançılarla, həm də komandalar üzrə mübarizə aparır. Ölkəmizi 12 çəki dərəcəsində ümumilikdə 9-u kişi, 6-sı qadın olmaqla 15 cüdoçu təmsil edir. Yığma həmçinin qarışıq komanda yarışında çıxış edəcək.

Milli.Az