İdman

Dünya Kubokunun əfsanə futbolçusu ayaqlarını itirə bilər - FOTO

15 Aprel 2025 21:58

Baxış: 3 252

VTB-də minimal faiz dərəcəsi ilə nağd kredit 9.9%-dən

#HADİSƏ #İDMAN #FUTBOL

2006-cı il Dünya Kubokunun qalibi "Barselona"nın və "Milan"ın əfsanəvi italyan futbolçusu Canluka Zambrotta əyri ayağından aldığı zədə səbəbindən ayaqlarını itirmək riski ilə üzləşib.

Milli.Az xarici mediaya istinadla xəbər verir ki, "genu varo" və ya "əyri ayaq" problemi ilə mübarizə aparan Zambrotta illərdir ayaqlarının çölə doğru əyildiyini bildirib. Karyerası boyunca ciddi zədə almadığını deyən keçmiş futbolçu "Daxili menisküsümdən cəmi 3 əməliyyat keçirmişəm. Hazırda nə sol dizimdə, nə də sağ dizimdə menisk qalmayıb. Ona görə də ayaqlarım zamanla əyilib. İndi bir çox ortopedik cərrah üçün laboratoriya modeli kimiyəm" sözlərini deyib.

Həm estetik, həm də sağlamlıq baxımından yaşadığı problemlərin irəlilədiyini vurğulayan 48 yaşlı keçmiş futbolçu tezliklə əməliyyat olunacağını açıqlayıb:

"Yaxınlarda hər iki dizimdən əməliyyat olunacağam. Kiçik sümük parçaları kəsiləcək, üzərinə lövhələr qoyulacaq. Hələlik tam profesional deyil, bu çarəni sınayacağıq" .

Keçmiş ulduz həm genetik meyl, həm də menisküsün olmaması səbəbindən problemin zamanla daha da ağırlaşdığını söyləyib və əlavə edib: "Bəlkə də bu proseslə daha əvvəl məşğul olmalıydım. Amma indi qaçılmaza yaxınlaşırıq; önümüzdəki illərdə tam protez tələb olunacaq".

Milli.Az