PUL
.jpg)
.jpg)
.gif)
"Qalatasaray"ın ulduz hücumçusu Mauro İkardi gələn mövsüm İstanbul klubunun heyətində olmayacaq.
Milli.Az haberler-ə istinadla xəbər verir ki, 32 yaşlı futbolçu ailə səbəblərinə görə Argentinaya qayıtmağı planlaşdırır.
Hazırda həyat yoldaşı Wanda Nara ilə məhkəmə prosesində olan İkardinin uşaqlarına yaxın olmaq istəyi onun bu qərarına təsir göstərib. Təcrübəli hücumçu gələn mövsüm "Qalatasaray"ın heyətində yer almayacaq və ölkəsinə dönəcək.
Hazırda bazar dəyəri 11 milyon avro olan argentinalı ulduzun "Qalatasaray"la 2026-cı ilə qədər müqaviləsi olsa da, klubun onunla yolları ayıracağı gözlənilir.
Qeyd edək ki, İkardi bu mövsüm UEFA Çempionlar Liqasında "Tottenhem"lə qarşılaşmada aldığı zədədən sonra əməliyyat olunmuş və mövsümün qalan hissəsini buraxmışdı. Klub tərəfindən ikinci yarı üçün lisenziyası verilməyən ulduz futbolçu hazırda fərdi məşqlərini vətəni Argentinada davam etdirir.
Mauro İkardi "Qalatasaray" formasını 3 mövsüm geyinib. Bu müddət ərzində 87 oyuna çıxaraq 61 qol vurub və 22 məhsuldar ötürmə ilə yadda qalıb. O, "Cimbom" ilə 2 Super Liqa və 1 Super Kubok çempionluğu yaşayıb. 2023-cü ildə Türkiyənin ilin futbolçusu seçilən İkardi, 2023-2024 mövsümündə 25 qolla Super Liqanın bombardiri olub.
Fidan
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.jpg)
