İdman

"Qalatasaray" Musleranın yerinə onu transfer edir – İstanbula gəldi - FOTO

17 Fevral 2025 14:58

Baxış: 6 863

VTB-də minimal faiz dərəcəsi ilə nağd kredit 9.9%-dən

#İDMAN #TÜRKİYƏ #QALATASARAY #FUTBOL

Türkiyənin futbol nəhəngi "Qalatasaray" uzun illər komandanın əsas qapıçısı olan Fernando Musleranın yerinə yeni qapıçı axtarışlarını sürətləndirib.

Milli.Az haberler-ə istinadla xəbər verir ki, Musleranın 40 yaşını tamamlaması və karyerasını Uruqvayda bitirmək istəməsi sarı-qırmızılı klubu yeni qolkiper axtarmağa məcbur edib.

Klub rəhbərliyi hazırda Fransa Liqa 1-də "Lion"un heyətində çıxış edən 1,97 metr boyunda olan braziliyalı qapıçı Lukas Perrini əsas namizəd kimi nəzərdən keçirir. Transferin reallaşması üçün bütün imkanların səfərbər edildiyi bildirilir.

Son məlumata görə, Lukas Perrinin nümayəndəsi transfer danışıqlarını yekunlaşdırmaq üçün İstanbula gəlib. Klub rəhbərliyinin 26 yaşlı qapıçını heyətinə qatmaq üçün ciddi səylər göstərdiyi və keçidin demək olar ki, dəqiqləşdiyi vurğulanır.

Fidan
Milli.Az