İdman

Paris-2024-ün mükafatçısı: Medalım 3 günə bərbad hala düşdü, paslanır - FOTO

20 Yanvar 2025 14:20

Baxış: 1 334

VTB-də minimal faiz dərəcəsi ilə nağd kredit 9.9%-dən

#GÜLƏŞ #OLİMPİADA #PARİS 2024

"Paris-2024" Yay Olimpiya Oyunlarında təqdim edilən medallar keyfiyyətsizdir.

Milli.Az bildirir ki, bunu Trend-ə açıqlamasında Azərbaycanın yunan-Roma güləşi üzrə "Paris-2024" Yay Olimpiya Oyunlarında bürünc medalçısı Həsrət Cəfərov deyib.

"Bizə Parisdə təqdim edilən medallar keyfiyyətsizdir", - o bildirib.

H.Cəfərov qeyd edib ki, ona verilən medalın rəngi gedib və üzü soyulub.

Xatırladaq ki, 2024-cü ildə Parisdə keçirilmiş Yay Olimpiya Oyunlarında mükafat qazanmış idmançılar 100-dən çox medalı istehsalın keyfiyyətsizliyi ilə bağlı şikayətlərlə təşkilat komitəsinə qaytarıblar.

İlk şikayətlərdən sonra təşkilat komitəsi zədə və ya keyfiyyətsizliyə görə şikayət edən bütün idmançıların medallarını dəyişdirəcəyini vəd edib. Lakin mükafatların kütləvi şəkildə qaytarılması fonunda medalların hazırlandığı Paris Zərbxanasının direktoru Mark Şvarts istehsalat şöbəsinin üç rəhbərini işdən çıxarmaq qərarına gəlib.

Milli.Az