İdman

Juninyo Braziliyada ilk 3 oyunu buraxacaq - Səbəb

15 Yanvar 2025 11:48
Baxış: 1 050
VTB-də minimal faiz dərəcəsi ilə nağd kredit 9.9%-dən
#TRANSFERLƏR #FUTBOL

"Qarabağ"dan Braziliya təmsilçisi "Flamenqo"ya transfer olunan Olavio Juninyo tibbi müayinədən keçib və ilk üç rəsmi oyunda iştirak etməyəcək.

Milli.Az oxu.az-a istinadən xəbər verir ki, nəticələr A Seriyası təmsilçisinin ABŞ-dəki nümayəndə heyətinə göndərilib.

28 yaşlı hücumçu komandanın sözügedən ölkədəki təlim-məşq toplanışına qatılmayacaq.

"Flamenqo" yanvarın 20-də "San-Paulu" ilə yoxlama oyunundan sonra Braziliyaya dönəcək. Juninyo məhz komanda qayıtdıqdan sonra ictimaiyyətə təqdim ediləcək.

Bundan əlavə, forvard "Quanabara Kuboku" turnirində "Madureyra", "Nova İquacu" və "Banqu" ilə matçlarda iştirak etməyəcək. Onun yanvarın 25-də eyni yarışda "Volta Redonda" ilə görüşdə debütü gözlənilir.

Qeyd edək ki, "Qarabağ" bu keçiddən 5 milyon avro qazanacaq. Olavio Juninyo 2023-cü ildən "köhlən atlar"ın formasını geyinib. Azərbaycan çempionatının və kubokunun qalibi olan forvard Ağdam klubunda 80 oyun keçirib, 42 qol və 4 məhsuldar ötürmə ilə yadda qalıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.