İdman

FHN-in əməkdaşındam dünya çempionatında yüksək nəticə

5 Dekabr 2024 17:03
Baxış: 770
VTB-də minimal faiz dərəcəsi ilə nağd kredit 9.9%-dən
#İDMAN

30 noyabr - 2 dekabr 2024-cü il tarixlərində Rusiya Federasiyasının paytaxtı Moskva şəhərində pauerliftinqin AWPC versiyası üzrə dünya çempionatı keçirilib.

Milli.Az FHN-ə istinadən xəbər verir ki, 560-a yaxın idmançının mübarizə apardığı mötəbər yarışda Azərbaycan, Rusiya, Qırğızıstan, Qazaxıstan, Özbəkistan, Belarus, Macarıstan, Çexiya və digər ölkələrin idmançıları qüvvələrini sınayıblar.

Çempionatda böyük uğura imza atan pauerliftinq üzrə Azərbaycan millisinin üzvü, Fövqəladə Hallar Nazirliyi Akademiyasının əməkdaşı leytenant Orxan Fərzəliyev deadlift hərəkəti üzrə 230kq, pauerliftinq hərəkəti üzrə isə 585kq nəticə ilə ikinci yerə layiq görülüb.

Qeyd edək ki, idmançı bu il iyunun 9-14-də Finlandiyanın Salo şəhərində AWPC versiyası üzrə keçirilmiş Avropa çempionatında qızıl medal qazanaraq çempion adına yiyələnib.

Xatırladaq ki, Orxan Fərzəliyev dəfələrlə ölkə və beynəlxalq miqyaslı mötəbər yarışlarda qüvvəsini sınayaraq ölkəmizə qızıl və gümüş medallar qazandırıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.