İdman

Bayramov ilk 12-likdə, Heydərov və Kotsoyev liderdir - DÜNYA REYTİNQİ

16 Sentyabr 2024 19:33
Baxış: 1 020
VTB-də minimal faiz dərəcəsi ilə nağd kredit 9.9%-dən
#CÜDO

Zaqrebdə keçirilən Qran Pridən sonra Beynəlxalq Cüdo Federasiyası dünya reytinqini yeniləyib.

Milli.Az İdman.Biz-ə istinadən bildirir ki, bürünc mükafatçı Turan Bayramov (60 kq) beş pillə yüksələrək 12-ci pillədə qərarlaşıb.

Turnirin finalçısı Əhməd Yusifov isə 3 xalı hesabına əlavə edərək 31-ci yerdədir. Bu çəkidə ən yaxşı cüdoçumuz Balabəy Ağayevdir - 7-ci yer.

Qran Prinin bürünc mükafatçısı Ruslan Paşayev (66 kq) səkkiz pillə irəliləyərək 36-cı, Yaşar Nəcəfov isə 21-cidir.

Olimpiya çempionları Hidayət Heydərov (73 kq) və Zelim Kotsoyev (100 kq) liderliklərini qoruyub saxlayırlar.

Zelim Tskayev (81 kq) 8-ci yerdədir, 90 kq-a qədər çəkidə isə Elcan Hacıyev və Murad Fətiyev siyahıda qonşudurlar: olimpiada iştirakçısı 15-ci, komanda yoldaşı isə 16-cıdır.

Uşanqi Kokauri (+100 kq) bir pillə itirərək ilk 14-lüyü tamamlayır.

Qadınlar arasında Leyla Əliyeva (48 kq) 18-ci yerdə qərarlaşıb, 52 kq-a qədər çəki dərəcəsində isə Gültac Məmmədəliyeva və Aydan Vəliyeva bir-birinin ardınca qərarlaşıblar: birinci 28, ikinci isə 29-cudur.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.