PUL
"Neftçi" PFK-nın Müşahidə Şurasının sədri kimi təsdiqlənən Hafiz Zeynalov həm də "Neftçi" İK-də rəhbər kimi çalışır.
Milli.Az İdman.Biz-ə istinadən bildirir ki, dekabrın 8-də 41 yaşını qeyd edəcək funksioner İdman Klubunda İdarə Heyətinin sədridir.
Onun buradakı müavini isə "Neftçi" PFK tarixinin ən uğurlu prezidenti sayılan Sadıq Sadıqovdur. "Ağ-qaralar" məhz onun dövründə çempionluqları sıralayıb və Avropa Liqasında qrupa düşən ilk Azərbaycan klubu kimi tarix yazıb.
Zeynalovun "Neftçi" PFK-nın Müşahidə Şurasına gəlməsi isə 2022-ci il noyabrın 22-də gerçəkləşib. Şurada həmin vaxtdan yer alan funksioner təxminən 19 ay sonra sədr olub.
Hər iki "Neftçi"də rəhbərlikdə yer alan Zeynalov, eyni zamanda SOCAR-da çalışır. O, 2022-ci ilin mayında şirkətin aparat rəhbəri, işlər idarəsinin rəisi vəzifəsinə təyinat alıb. İşlər idarəsinin rəisi həmçinin SOCAR Prezidentinin köməkçisidir. O, bu təyinatadək İqtisadiyyat Nazirliyində çalışıb.
Qeyd edək ki, "Neftçi" 2023/24 mövsümündə Premyer Liqada 5-ci yeri tutaraq avrokuboklardan kənar qalıb.
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
