İdman

AFFA yığmaya yeni məşqçi gətirir?

7 May 2024 11:48
Baxış: 897
VTB-də minimal faiz dərəcəsi ilə nağd kredit 10.49%-dən

Azərbaycan millisinin baş məşqçisi postuna namizədlərdən biri də bəlli olub.

Milli.Az İdman.Biz-ə istinadən bildirir ki, Almaniya mətbuatı AFFA-nın Ştefan Kuntsun yığmaya gətirmək istədiyini iddia edir.

Qurum rəhbərliyi 62 yaşlı mütəxəssislə ciddi maraqlanır. Kunts həm də baş məşqçi axtarışında olan "Bavariya"nın da siyahısında yer alıb.

Lakin təcrübəli mütəxəssis klubda çalışmağa meylli deyil. Yığmada çalışmaq istəyən Kunts Azərbaycan deyil, Kanadanı seçməyə yaxındır. O, şimali amerikalılarla təyinatı ilə bağlı konkret danışıqlar aparır.

Kuntsun son iş yeri Türkiyə millisi olub. O, 2021-ci ilin sentyabrından 2023-cü ilin sentyabrına qədər "ay-ulduzlular"a rəhbərlik edib.

Qeyd edək ki, Kunts baş məşqçi karyerasında Almaniyanın U-21 və U-23 yığmalarını, həmçinin aşağı liqa klublarını da çalışdırıb. O, U-21-lə iki dəfə Avropa çempionu, bir dəfə gümüş mükafatçı olub.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.