İdman

Millimizin futbolçusu: "Hər şey ola bilər"

29 May 2012 19:15
0 Şərh     Baxış: 505
VTB-də minimal faiz dərəcəsi ilə nağd kredit 10.49%-dən
#AZERBAİJAN #ANDORRA
Futbol üzrə Azərbaycan yığmasının hücumçusu Cihan Özkara sabah baş tutacaq Andorra ilə yoldaşlıq oyunu öncəsi fikirlərini açıqlayıb. Azerisport.az saytına müsahibəsində o, öncə bunları dilə gətirib:

"Andorra ilə oyunda qələbə qazanıb yaxşı əhval-ruhiyyədə geri qayıtmaq istəyirik. Çünki bizi qarşıda seçmə mərhələnin çətin oyunları gözləyir. Bu ərəfədə psixoloji vəziyyəti yaxşılaşdırmaq heç də pis olmazdı. Bu üzdən də oyuna ciddi yanaşırıq. Rəqib tam keçiləsidi. Belə bir fürsəti əldən verməməliyik".

Cihan yığmamızın Yaponiyaya məğlubiyyətinə də (0:2) toxunub: "Fikrimcə, Yaponiyaya qarşı yaxşı matç keçirdik. Uduzsaq da, yaxşı oyun sərgilədik. Rəqib çox güclü idi. Bütövlükdə isə, düz yolda olduğumuzu düşünürəm. Hətta komanda yoldaşlarımı təbrik etmək istərdim. Belə güclü rəqiblə görüşdə 4-5 qol epizodumuz oldu. Əgər onlardan istifadə edə bilsəydik, hər şey tam fərqli də ola bilərdi".

Türkiyənin "Sivasspor" klubunun forvardı gələcək karyerası ilə də bağlı danışıb: "Mənim "Sivasspor"la müqaviləmin müddətinin başa çatmasına hələ iki il qalır. Hazırda yığmanın düşərgəsindəyəm və karyeramı harda davam etdirəcəyimə dair düşünməyə vaxtım yoxdu. Bununla Andorra ilə oyundan sonra məşğul olacağam. Hər şey ola bilər".

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.