İdman

Suarez və Lionel Messi yenidən bir komandada oynayacaq

6 Dekabr 2023 08:12
Baxış: 677
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Uruqvaylı ulduz futbolçu Luis Suaresin "İnter Mayami"yə transfer olunacağı gözlənilir.

Milli.Az APA-ya istinadən bildirir ki, bir müddət Messi ilə "Barselona"da oynayan Suaresin yenidən argentinalı ulduzla eyni formanı geyinəcək.

Brazilyanın "Qremio" klubu ilə müqaviləsinin başa çatacağı bildirilən uruqvaylı futbolçunun MLS-də çıxış edəcəyi deyilir.

Luis Suaresin komandaya qatılması ilə daha əvvəl "Barselona"da çıxış etmiş 4 ulduz futbolçu da yenidən bir araya gələcək.

"Barselona" ilə son Çempionlar Liqasını qazanan heyətdə yer alan Serxio Busquets, Jordi Alba və Lionel Messi hazırda "İnter Mayami"də çıxış edir.

2023-cü ildə "Qremio"nun heyətində 52 rəsmi oyuna çıxan Luis Suares 24 qol vurub, 17 məhsuldar ötürmə edib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.