İdman

Millimizin baş məşqçisindən biabırçı məğlubiyyətlə bağlı açıqlama

25 Mart 2023 07:11

Baxış: 1 799

VTB-də minimal faiz dərəcəsi ilə nağd kredit 9.9%-dən

#FUTBOL

"Buraxdığımız ilk qoladək bərabər səviyyəli oyun gedirdi. İkinci qoldan sonra isə inamı itirdik".

Milli.Az matc.az-a istinadən bildirir ki, bunu Azərbaycan millisinin baş məşqçisi Canni De Byazi deyib.

Yığmamız AVRO-2024-ün seçmə mərhələsi çərçivəsində səfərdə Avstriyaya 1:4 hesabı ilə uduzub. Qarşılaşmadan sonra keçirilən mətbuat konfransında məğlubiyyəti şərh edən Byazi bildirib ki, milli öz oyununu göstərməyə çalışıb: "İlk qoldan sonra sakitliyimizi qoruya bilmədik və son dəqiqələrə qədər əziyyət çəkdik".

İtaliyalı baş məşqçi komandada debüt edən Yusif İmanov və Azər Əliyev haqqında danışıb: "Gələcəkdə bizim üçün lazımlı oyunçu ola bilərlər. Matçdan əvvəl Bəxtiyar və Antonla bağlı şübhəmiz var idi. Uzaq məsafədən gəldiyi üçün Antonun hazır olmadığını düşündük və Bəxtiyara şans verdik".

De Byazi rəqibin təcrübəli futbolçulardan ibarət güclü kollektiv olduğunu söyləyib: "Gələcəyə inamla baxmalıyıq. Növbəti matçlarda əlimizdən gələni edəcəyik".

Milli.Az