İdman

Çempionlar Liqası: “Milan” və “Bavariya” 1/4 finalda! - VİDEO - FOTO

9 Mart 2023 07:00

Baxış: 1 339

#VİDEO #ÇEMPİONLAR LİQASI #BAVARİYA #FUTBOL #TOTTENHEM #MİLAN FK #PSJ

UEFA Çempionlar Liqasının 1/8 final mərhələsinin cavab qarşılaşmaları çərçivəsində Almaniyanın "Bavariya" klubu öz meydanında Fransanın PSJ klubunu qəbul edib.

Milli.Az Trend-ə istinadən bildirir ki, oyun meydan sahiblərinin 2:0 hesablı qələbəsi ilə yekunlaşıb. Oyunda qolları Erik-Maksim Çupo-Motinq və Serh Qnabri vurublar.

Komandalar arasında keçirilən ilk oyunda da "Bayvariya" rəqibini məğlub etmişdi - 1:0.

Beləliklə, "Bavariya" UEFA Çempionlar Liqasının 1/4 final mərhələsinə vəsiqə qazanıb.

Digər oyunda İngiltərənin "Tottenhem" klubu italiyanın "Milan" klubunu qəbul edib.

Oyun qolsuz bərabərliklə başa çatıb - 0:0.

İlk oyunda "Milan" öz meydanın 1:0 hesablı qələbə qazandığına görə, İtaliya klubu 1/4 finala yüksəlib.

Xatırladaq ki, daha əvvəl 1/4 final mərhələsinə "Bavariya", "Çelsi" və "Benfika" klubları yüksəlib.

UEFA Çempionlar Liqası

1/8 finalın cavab oyunları
8 mart

"Bavariya" (Almaniya) - PSJ (Fransa) 2:0
Qol: E.Şupo-Motinq, 61. S.Qnabri, 89.
Baş hakim: Daniele Orsato (İtaliya).
"Münhen Futbol Arenası".
İlk oyun - 1:0.

"Tottenhem" (İngiltərə) - "Milan" (İtaliya) 0:0
Baş hakim: Klemen Türpin (Fransa).
London, "Tottenhem Hotspur" stadionu.
İlk oyun - 0:1.

Milli.Az