İdman

DÇ-2022: Futbolçuları ən çox qol vuran liqalar və klublar - SİYAHI

25 Noyabr 2022 19:40
Baxış: 552

Qətərdə keçirilən dünya çempionatının qrup mərhələsinin ilk turunda baş tutan 16 oyunda qapılara ümumilikdə 41 top vurulub.

Milli.Az apasport.az-a istinadən bildirir ki, ən çox qola İngiltərə Premyer Liqasında çıxış edən futbolçular imza atıb.

Karyerasını "Dumanlı Albion"da davam etdirənlər 8 dəfə fərqlənib. İngiltərəni 6 qolla İspaniya La Liqası izləyir. Fransa Liqa1-i 5, İtaliya A seriyası və Almaniya Bundesliqası isə 4 topla öyünə bilər.

40 qol ümumilikdə 26 fərqli klubun nümayəndəsi arasında bölüşdürülüb. İlk turda fərqlənənlərdən yalnız portuqaliyalı Kriştiano Ronaldo klubsuzdur. Dörd klubun oyunçuları 3 dəfə rəqib qapılarına yol tapıb. Bu baxımdan "Fənərbaxça", PSJ, "Milan" və "Barselona" hamını qabaqlayır. "Mançester Siti", "Arsenal", "Porto", "Tottenhem", "Atletiko" və "Əl-Hilal"ın oyunçuları 2 qolla diqqət çəkib.

Mundialda futbolçusu 1 qol vuran klublar isə bunlardır: "Mançester Yunayted", PSV, "Ayaks", "Borussiya" (Dortmund), "Çelsi", "Lill", "Los-Anceles", "Yuventus", "Adelayde Yunayted", "Frayburq", "Boxum", "Leypsiq", "Real", "Monako", "Əl-Sədd", "Srvena Zvezda".

Qeyd edək ki, dünya çempionatında qrup mərhələsinin II turuna bu gün start veriləcək.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics