İdman

Kikboksinq üzrə Azərbaycan birinciliyinin qalibləri müəyyənləşdi - FOTO

5 İyul 2022 08:38

0 Şərh Baxış: 860

#KİKBOKSİNQ

Kikboksinq üzrə gənclər, yeniyetmə oğlan və qızlar arasında XXVI Azərbaycan birinciliyi keçirilib.

Azərbaycan Kikboksinq Federasiyasından bildiriblər ki, Abşeron Olimpiya İdman Kompleksində keçirilən oğlanların yarışı rinqdə, qızların turniri isə tatamidə baş tutub.

Yekun nəticələrə görə, ən çox medal qazanan DİN İdman Cəmiyyətinin komandası (9 qızıl, 2 gümüş, 12 bürünc) ümumi hesabda birinci yeri tutub. Kubok həmin cəmiyyətin, eləcə də yeniyetmə və gənclərdən ibarət millinin baş məşqçisi Hikmət Hacıyevə təqdim edilib.

Dünya və Avropa çempionu Eduard Məmmədovun baş məşqçisi olduğu ZV Döyüş Akademiyası (9 qızıl, 3 gümüş, 1 bürünc) ikinci, baş məşqçisi Xəyyam Abışov olan meydan sahibi "Abşeron" (2 qızıl, 5 gümüş, 2 bürünc) yığması isə üçüncü yeri tutub.

Qeyd edək ki, bu yarışda fərqlənənlər sentyabrın 30-dan oktyabrın 9-dək İtaliyada uşaq, yeniyetmə və gənclər arasında keçiriləcək dünya çempionatında iştirak edəcəklər.

Milli.Az