Cəmiyyət

İsti suda çimməyin ziyanları. Həkimlər xəbərdarlıq edir

20 Noyabr 2021 08:35
0 Şərh     Baxış: 1 946
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Alimlərin fikirinə görə, tez-tez isti vanna və ya duş (40 C və bundan artıq) qəbul etmək sağlamlıq üçün çox ziyanlıdır.

Çox isti su ilk növbədə insanın ürək-damar sisteminə mənfi təsir edir, ürəyə olan gərginliyi artırır. Bu səbəbdən sizdə ürək-damar sistemi xəstəlikləri varsa, yalnız ilıq suda çimin. Vanna qəbul etdikdə yarıoturaq vəziyyətdə olun, su döş qəfənizdən yuxarı qalxmamalıdır.

Damar problemləri olan qadınlar da isti vanna və ya duş qəbul etməməlidir. Bu xəstəliyin gedişatına mənfi təsir edir, xəstə damarların vəziyyətini daha da pisləşdirir.

Hipertoniyadan (yüksək təzyiq) əziyyət çəkən insanlarda isti su təzyiqin qalxmasına səbəb ola bilər.

Tez-tez isti vanna və ya duş qəbul edən kişilərdə spermanın göstəriciləri pisləşir. Bu səbəbdən kişi  sonsuzluqan əziyyət çəkirsə ilıq duşla kifayətlənməlidir.

Hamiləliyi planlaşdıran qadınlar da isti duş və vannalardan imtina etməlidir. Çox isti su mayalanmış yumurta hüceyrəsinin uşaqlığın divarına birləşməsinə mane olur və hətta dölsalmaya səbəb ola bilər.

Həkimlərin fikirinə görə, insan sağlamlığı üçün ən komfortlu və ziyansız su temperaturu 37-38 C təşkil edir.

İsti su dəriyə və saçlara çox mənfi təsir edir. Dərinin piy qatı yuyulur ki, nəticədə dəri quruyur, daha tez qocalır. İsti su saçların keyfiyyətini pisləşdirir. Saçları yağlı olan insanlar üçün isti su əks-göstərişdir. İsti suyun təsirindən piy vəzilərinin aktivliyi artır, onlar daha çox piy ifraz etməyə başlayır ki, nəticədə saçlar daha tez yağlanır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.