Cəmiyyət

Səyavuş Aslanın oğlu yenidən sığınacağa aparıldı

16 Sentyabr 2021 21:22

1 Şərh Baxış: 1 757

#CƏMİYYƏT

Sosial Xidmətlər Agentliyi Xalq artisti Səyavuş Aslanın oğlu Çingiz Aslanovu yenidən Həssas əhali qruplarından olan şəxslər üçün sığınacaq və sosial reabilitasiya müəssisəsinə yerləşdirib.

Bu barədə agentliyin mətbuat xidmətinin rəhbəri Murad Haşımov bildirib.

O, qeyd edib ki, Çingiz Aslanovla aparılan söhbətlərdən sonra təkrar sığınacağa yerləşdirilməsinə razılıq verib. Hazırda prosedur qaydalarına uyğun olaraq işlər aparılır.

Qeyd edək ki, bir müddət əvvəl sosial şəbəkələrdə Çingiz Aslanovun küçədə gecələməsi haqqında xəbərlər yayılmışdı.

Məsələ ilə bağlı Sosial Xidmətlər Agentliyindən bildirilib ki, birinci yerləşdirmədən sonra Xalq artistinin oğlu özü öz istəyi ilə sığınacağı tərk edib.

Milli.Az