Cəmiyyət

66 yaşlı kişi ilə 48 yaşlı qadın aylardır itkin düşüb - FOTO

19 İyun 2021 10:59
Baxış: 1 627

Qazax rayonunda 66 yaşlı kişi, qonşu Ağstafada isə 48 yaşlı qadın eyni gündə itkin düşüb.

Milli.Az DİN-ə istinadən xəbər verir ki, 1955-ci il təvəllüdlü Nazim Quliyev və Ağstafa rayonunda yaşayan 1973-cü il təvəllüdlü

Zabella Cəfərovanın axtarışları dörd aydır ki, davam edir. Məlumata görə, cütlük fevral ayından evdən çıxıb və bu günə kimi onlardan məlumat yoxdur.

N. Quliyevin yeni tanış olduğu qadını qaçıraraq birgə yaşadıqları bildirilir.

N.Quliyev evlidir və onun itkin düşməsi barədə övladları polisə məlumat verib. Z. Cəfərova isə ailə həyatı qurmayıb, anası ilə birgə yaşayıb.

DİN Mətbuat xidmətinin Gəncə regional qrupunun baş inspektoru, polis baş leytenantı Eşqin Qasımov açıqlamasında bildirib ki, hər iki şəxs 2021-ci ilin fevral ayından bəri itkin kimi axtarışdadır: "Yaxınları polisə müraciət edərək onların itkin düşdüyünü bildirib. Həmin şəxslərin yerinin müəyyən edilərək tapılması istiqamətində axtarış tədbirləri davam etdirilir".

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.