Cəmiyyət

Vətəndaşlar razılaşmır, şirkət isə söküntüyə hazırlaşır - VİDEO

7 İyun 2021 11:04
Baxış: 1 358
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakıda tikinti şirkəti sakinlərlə razılaşmadan yaşayış sahəsini dəmir lövhə ilə hasarlayıb. Vətəndaşlar deyir ki, tikinti şirkətinin təklifləri onlara sərf etmir. Şirkət onlara daxili müqavilə qaydası təklif edir və mənzillərin qarşılığında bazar qiymətindən aşağı pul verir. Lakin sakinlər narazı olsa da, şirkət işlərin icrasına hazırlaşır. 

Milli.Az Xəzər TV-yə istinadən xəbər verir ki,100 dən çox ailə evlərinin sökülməsi üçün tikinti şirkətinin etdiyi təkliflə razılaşmır.

Paytaxtın Nəsimi rayonu Abbas Səhhət küçəsində yaşayan ailələrin evlərinin sökülərək yeni binanın inşası nəzərdə tutulur. Lakin tikinti işlərini icra edən şirkt evlər üçün vətəndaşlara sərf etməyən təklif irəli sürür.

Sakinlər deyir ki, onlarla razılıq əldə edilmədən yaşadıqları evlərin ətrafı dəmir lövhələrlə hasarlanıb.Bununla yanaşı söküntü üçün nəzərdə tutulan texnikalar da əraziyə gətirilib.Vətəndaşlar evlərinin razılıqları olmadan sökülməsindən narahatdırlar.

Sakinlərin sözlərinə görə, vaxtı ilə şirkətlə razılaşan bəzi vətəndaşlara verilən vədlər də yerinə yetirilməyib. Bununla yanaşı sakinlərə daxili müqavilə əsasında razılaşma təklif edilir. Vətəndaşlar isə sonradan şirkətin müqavilənin şərtlərini dəyişəcəyindən narahatdırlar. Onlar müqavilənin dövlət qurumları ilə razılaşdırlmış  şəkildə notariusla təsdiqlənməsini istəyirlər.

Sakinlərin narazı olduqları  "Capital City" yaşayış kompleksindən isə məsələylə bağlı heç bir münasibət öyrənə bilmədik. Suallara cavab verməyə şirkətdə bir nəfər də tapılmadı.

Hüquqşünaslar isə bildirir ki, ərazinin qanunsuz olaraq hasarlanması sakinlərin istirahət və sərbəst gəzmək hüqunun pozulması deməkdir. Vətəndaşların evlərinin sökülməsi məsələsinə gəldikdə isə bu, yalnız həmin evlərin qəzalı olduğu təqdirdə və yalnız dövlət tərəfindən zəruri qərarlalar əsasında icra edilə bilər.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.