Cəmiyyət

Bakıda irigövdəli qovaq ağacının böyük hissəsi kəsilib - VİDEO

7 İyun 2021 11:44

Baxış: 986

VTB-də minimal faiz dərəcəsi ilə nağd kredit 9.9%-dən

#CƏMİYYƏT #VİDEO

İsmayıllı rayonunun Cülyan kəndində yaşı 100-dən çox olduğu bildirilən qovaq ağacı kəsilib. Məlum olub ki, ağacda budanma aparılmalı imiş, amma proses düzgün icra edilməyib. Ekologiya və Təbii Sərvətlər Nazirliyinin yerli idarəsi tərəfində kəndin icra nümayəndəsi cərimə edilib.

Milli.Az Xəzər TV-yə istinadən xəbər verir ki, irigövdəli qovaq ağacının böyük hissəsi kəsilir.

Görüntülər İsmayıllı rayonunun Cülyan kəndində lentə alınıb. Sakinlər budanma adı altında ağacın yarısının kəsilməsini yolverilməz hesab edirlər.

Sakinlərin sözlərinə görə ağacın 100 dən çox yaşı var. Kənd icra nümayəndəsi Tahir Hüseynov qeyd edib ki, ağacın budanması aidiyyatı qurumdan rəy alındıqdan sonra həyata keçirilib.

Sakinlərin müraciətindən sonra əraziyə Ekologiya və Təbii Sərvətlər nazirliyinin əməkdaşları tərəfindən baxış keçirilib. Məlum olub ki, budanma düzgün aparılmayıb. Buna görə də Cülyan kənd icra nümayəndəsi Tahir Hüseyinov Eologiya və Təbii Sərvətlər Nazirliynin yerli idarəsinin əməkdaşları tərəfindən cərimələnib.

Milli.Az