Cəmiyyət

Göyçayda kəsim məntəqəsinin tullantıları ətrafa atılır - Sakinlər narahatdır - VİDEO

8 Aprel 2021 10:49
Baxış: 350

Göyçayda heyvanların daxili orqanları və dəriləri açıq havaya, qızmar günəş altına atılır, qanı da ağzı açıq quyulara axıdılır.

Milli.Az xezerxeber.az-a istinadən bildirir ki, rayonun Cəyirli kəndi ərazisində olan ət kəsimi məntəqəsində gün ərzində onlarla mal kəsilir.

Sakinlərin sözlərinə görə, son bir neçə gündür ki, əraziyə atılan tullantıların yaydığı üfunət onları ciddi narahat edir.

Kənd sakinlərinin sözlərinə görə, ətrafa səpələnən kəsilmiş heyvan tullantıları üzərinə küçə itləri toplaşır ki, bu da əlavə problem yaradır.

Ət kəsimi məntəqəsinə nəzarət edən Elnur Yəhyayev isə "Xəzər Xəbər"ə bildirdi ki, kəsim məntəqəsinə məxsus ərazidə olan quyuların üstü bağlanacaq, əlavə olaraq ehtiyat üçün 2 ədəd yeni üstübağlı quyu qazılacaq və bununla da sakinlərin narazılıqları aradan qaldırlacaq.

Qeyd edək ki, kəsim məntəqəsi rayon ərazisində qəssab fəaliyyəti ilə məşgul olan bütün  sahibkarlara xidmət edir.

Mövzu ilə bağlı daha ətraflı videomaterialı təqdim edirik:

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.