Cəmiyyət

Şəhid İbadov Vuqar - O, Qubadlıya girən ilk tankçılardan idi - VİDEO

15 Mart 2021 13:18

Baxış: 2 433

VTB-də minimal faiz dərəcəsi ilə nağd kredit 9.9%-dən

#VİDEO #ŞƏHİD #DAĞLIQ QARABAĞ MÜNAQİŞƏSİ

Vətən müharibəsində cəlilabadlı igidimiz də tankla düşmənə qan uddurub. Cəbrayıl-Füzuli-Qubadlı istiqamətlərində gedən döyüşlərdə qəhrəmanlıq göstərən Vuqar Ibadovun tankı bir neçə dəfə vurulsa da, yenə də döyüşməkdən çəkinməyib. O, oktiyabrın 19 da Qubadlı isiqamətində qəhrəmancasına şəhid olub.

Milli.Az xezerxeber.az-a istinadən bildirir ki, o, Qubadlıya girən ilk tankçılardan idi.

Neçə dəfə yaralansa, tankı vurulsa da yenə irəliyə can atırdı. Torpaqlarımızı azad etmək üçün.

Şəhid Vuqar İbadov 1988 -ci ildə Cəlilabad rayonun Göytəpə şəhərində dünyaya göz açib. İbadovlar ailəsi, ailə başçısını erkən itirdiyindən Vuqar ailənin yükünü üzərinə götürməli olub. Həm ailənin başçısı olur, həm də qardaş, bacısına sirdaş olur. Qardaşı qazi gizir Fuad Zeynalov deyir ki,onun hərbiçi olmağına səbəb elə Vüqar olub. Vətənə sevgisindən, torpaqlarımızın azad olunması istəyindən elə danışardı kı, mən də hərbiçi olmağa qərar verdim.

Vuqar İbadov tankçı kimi vətənin keşiyində durub. Cəbrayıl-Fizuli-Qubadlı istiqamətlərində gedən döyüşlərdə igidlik göstərən Vuqarın tankı oktiyabrın 9-da Aşağı Seyidəhmədli kəndi uğrunda gedən ağır döyüşlərdə vurulur, özü isə ağır yaralanır. Hospitalda müalicə alan Vüqar elə ailəsini də sonuncu dəfə orada görür.

Qardaşı ilə çiyn-çiyinə döyüşən şəhid qəhrəmanımız oktiyabrın 19-da Qubadlı isiqamətində gedən döyüşlərdə şəhid olub. Ölümündə sonra ''Vətən Uğrunda'', '' Fizulinin azad olunmasına görə '' və ''Cəbrayılın azad olunmasına görə ''medalları ilə təltif edilib.

Milli.Az