Cəmiyyət

Vətən vüsalına, Vüsal şəhadətə qovuşdu - VİDEO

19 Fevral 2021 12:59
Baxış: 989
VTB-də minimal faiz dərəcəsi ilə nağd kredit 9.9%-dən
#VİDEO

Şəhid Vüsal Şükürovun rəşadətli döyüş yolu

Milli.Az Real TV-yə istinadən bildirir ki, 44 günlük Vətən müharibəsində sona qədər qəhrəmancasına döyüşən igid oğullarımızdan biri - Vüsal Şükürov. Şuşanın azadlıq günü - noyabrın 8-i onun şəhadət tarixinə çevrildi.

Ağcabədi rayon Şahmallar kəndində anadan olan Vüsal 25 yaşını qeyd etməyə 5 gün qalmış Şuşa uğrunda gedən şiddətli döyüşlərdə rəşadətlə vuruşaraq şəhid olub.

Vüsal Şükürov 2016-cı ildə hərbi xidmətə gedib. O, hərbi xidmətdə olarkən başlayan Aprel döyüşlərində də iştirak edərək böyük şücaət göstərib. Ailəsinin yeganə övladı olsa da, Vətən sevgisi onu sentyabrın 27-də başlayan 2-ci Qarabağ müharibəsində də könüllü olaraq cəbhəyə yollanmağa sövq edib. Füzuli, Cəbrayıl, Hadrut qəsəbəsi, Xocavənd rayonu istiqamətində düşmənlə qəhrəmanca vuruşan Vüsalın döyüş yolu Şuşada sona yetib. İgid vətən oğlu şəhadatə, Şuşa isə azadlığa qovuşub.

Ağcabədi şəhər Şəhidlər xiyabanında dəfn edilən Vüsal indi ailəsinin tək övladı deyil, bütöv Azərbaycanın və azərbaycanlıların qəhrəman oğludur. Adı zəfər tariximizə və qan yaddaşımıza əbədi həkk olunan milli qəhrəmanlarımız kimi şəhid Vüsal Şükürov da hər an qəlblərdə yaşayacaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.