Fətəliyevlər ailəsindən iki nəfər müharibədə şəhid olub - VİDEO

Müharibənin öz qanunları var. Bu qanunlar sərt və amansızdır. Qarşında düşmən əlində silah . Doğma torpaq üçün vuruşursan. Və bu müqəddəs amalı səninlə bölüşən hər bir oğul doğmandır. Bu torpaq bağıdır. Bir də qan bağı var. Eyni cəbhədə ata oğlu ilə. Qardaş qardaşla çiyin çiyinə döyüşür. Rahib Fətəliyev və onun qardaşı oğlu Şahin Fətəliyev Füzuli istiqamətində gedən ən ağır döyüşlərdə iştirak ediblər. Onlar elə həmin döyüşlərdə də şəhadətə qovuşublar. Əməkdaşlarımız Fətəliyevlər ailəsində olub, şəhidlərimizin xatirələrini öyrəniblər.

Milli.Az xezerxeber.az-a istinadən bildirir ki, 44 günlük vətən müharibəsi zamanı fətəliyevlər ailəsindən iki nəfər şəhidlik zirvəsinə ucalıb. Onlardan biri 14 ildir vətəninə xidmət edən 42 yaşlı şəhid çavuş Rahib Fətəliyevdir. Füzuli istiqamətində ağır döyüşlərə qatılan rahibdən elə müharibənin ilk günündən ailəsi xəbər tuta bilməyib. Şəhidin övladı Rahil Fətəliyev atası ilə son danışığını belə xatırlayır.

Şəhid çavuş döyüşlərdə zirehli texnika idarə edirmiş. Elə son sözü də döyüş yoladşlarına o olub ki, bu texnikanın son dayanacağı Şuşa olmalıdır

Şəhid çavuşun nəşi dekabr ayının 5-də tapılaraq ailəsinə təhfil verilib. O ölümündən sonra vətən uğurunda medalı ilə təltif edilib.

Vətən müharibəsi zamanı Rahib Fətəliyevin qardaşı oğlu, müddətdən artıq hərbçi olan 21 yaşlı Şahid Fətəliyev də sentyabr ayının 30-da Füzuli istiqamətində gedən qanlı döyüşlərdə şəhid olub. Şəhidin əmisi Fətəliyev Elməddin deyir ki, qardaşı ilə, qardaşı oğlu döyüşün ilk günlərində, ən şiddətli vaxtı şəhid olublar. Onlar ikisi də yanyana döyüşməsələr də, füzuli istiqamətində gedən döyüşlərdə şəhidlik zirvəsinə ucalıblar.

Şahin Fətəliyev də əmisi kimi müharibədə döyüş texnikası idarə edirmiş. Onlara düşmənin keçilməz dediyi səngərini məhv etmək göstərişi verilib. Tapşırığı ən yüksək səviyyədə yerinə yetirən Şahin Fətəliyev elə həmin istiqamətdə gedən döyüşlərdə şəhadətə qovuşub. Ölümündən sonra o vətən uğrunda və Füzuli rayonun azad olunması medalları ilə təltif olunub

Milli.Az