Cəmiyyət

İşğaldan azad edilən ərazilərdəki qoruq və yasaqlar bərpa ediləcək - FOTO

11 Yanvar 2021 12:48
Baxış: 1 251
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İşğaldan azad edilən ərazilərdəki qoruq və yasaqlar yenidən bərpa ediləcək.

Milli.Az bildirir ki, bunu Trend-ə Ekologiya və Təbii Sərvətlər Nazirliyinin Bioloji Müxtəlifliyin Qorunması Xidmətinin rəsmisi Arzu Səmədova bildirib.

Ölkədə Milli Parkların yaradılmasına 2003-cü ildən başlanıldığını xatırladan A.Səmədova qeyd edib ki, işğaldan azad edilən ərazilərdə 43 min hektara yaxın xüsusi mühafizə olunan təbiət ərazisi var. Bu ərazilərdə 2 Dövlət Təbiət Qoruğu, 4 Dövlət Təbiət Yasaqlığı olub:

"Bu qoruq və yasaqların yenidən bərpası nəzərdə tutulub. Hazırda həmin ərazilərdə təbiətin mövcud vəziyyəti ilə bağlı qiymətləndirmə işlərinə başlanılıb".

A.Səmədova bildirib ki, ölkədə hazırda 10 Dövlət Təbiət Qoruğu, 24 Dövlət Təbiət Yasaqlığı, 10 Milli Park fəaliyyət göstərir. Xüsusi mühafizə olunan təbiət əraziləri ölkə ərazisinin 10,3 faizini təşkil edir.

Xidmət rəsmisi əlavə edib ki, 2018-ci ildən Hirkan meşələrinin UNESCO-nun təbii irs siyahısına daxil edilməsi istiqamətində işlərə başlanılıb. 2020-ci ildə bununla bağlı artıq nominasiya sənədi hazırlanıb.

Qeyd edək ki, 11 yanvar - Dünya Qoruqlar və Milli Parklar Günüdür. Azərbaycanda ilk qoruq 1925-ci ildə yaradılmış Göygöl Dövlət Təbiət Qoruğudur. Sonuncu milli park olan Qızılağac Milli Parkı 2018-ci ildə Prezident İlham Əliyevin imzaladığı Sərəncama əsasən yaradılıb.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.