Cəmiyyət

"Mən hər zaman arzu edirdim ki, Laçına bu atla qayıdım" - VİDEO

2 Dekabr 2020 20:50
Baxış: 953
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Laçına böyük arzularla qayıtmağı gözləyən laçınlıların 28 illik həsrəti başa çatıb. Arzusu gerçəkləşən Laçın sakini 82 yaşlı İldırım kişi öz yurduna Laçın yəhərli Qarabağ atı ilə dönməyə hazırlaşır.

Milli.Az AZƏRTAC-a istinadən bildirir ki, İmişlidə məskunlaşan Laçın sakinləri də torpaqlarının azad edilməsini sevinc hissi ilə qarşılayıb. 28 ildir ki, İmişlidə yaşayan 50-yə yaxın Laçınlı ailə indi doğma yurdlarına qayıtmağı səbirsizliklə gözləyir.

Laçının Malbəyli kənd sakini 82 yaşlı İldırım Rüstəmov Laçına qayıtmaq üçün atını yəhərləyir. İldırım kişi deyir: "Müzəffər Ali Baş Komandanın və güclü Ordumuzun sayəsində Laçın bugün azaddır. Çox tezliklə biz yaylaqlarımıza qovuşacağıq. Mən hər zaman arzu edirdim ki, Laçına bu atla qayıdım. Çünki bu at, bu yəhər və xurcun mənə Laçından xatirədir. Mən Laçından gələndə bir Qarabağ atı gətirmişdim. Bu at da həmin Qarabağ atının nəslindəndir. Yəhər isə Laçında yaşayarkən istifadə etdiyim yəhərdir, 28 ildir ki, onu qoruyub saxlayıram. İnanırdım ki, Qarabağ atı ilə öz yurdumun İşıqılı yaylağına qayıdacağam. Allah şəhidlərimizə rəhmət etsin. Bu gün sevincimin həddi-hüdudu yoxdur".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.