Cəmiyyət

Şəhid Mixayıl Həmidovla "Olmayan Bir Müsahibə ..."

21 Noyabr 2020 20:02

Baxış: 1 478

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Şairə Nərminə Məmmədzadə Trend Life-a ikinci Qarabağ müharibəsi şəhidlərinin xatirəsinə həsr olunmuş "Olmayan Bir Müsahibə ..." adlı silsilə materiallar təqdim edir.

Bu material Mixayıl Həmidova həsr edilmişdir...

-Salam, Mixayıl.
- Salam.
- Çox sağ ol ki, mənimlə danışmağa razılıq verdin.
- Elə özüm istəyirdim. Axı mən heç axırıncı sözlərimi deyə bilmədim. Düşmənlər imkan verdilər ki... (gülür).
- Qorxmadın?
- Bəlkə də qorxardım, amma heç başa düşmədim nə oldu... Kinolardakı kimi... (gülümsəyir). Bilsəydim, uşaqlarıma zəng vurardım axırıncı dəfə, ən azından səslərini duyardım... İki qızım var, bir oğlum... Yusif, Mədinə və Mələk...

İkimiz də susduq... Mən söz tapa bilmirdim, Mixayıl isə fikirə getdi... Birdən mənə baxıb dedi:
- Mən axı Mingəçevirdə işləyirdim, elə Bakıya istəyirdim ki... Ailəmlə az vaxt keçirirdim, bir də futbol oynamağa vaxtım az idi. Həftədə iki dəfə oynayırdım.
- Sən də Teymur kimi... O da futbol həvəskarıdı, amma oynamırdı, izləyirdi...
- Teymuru tanımırdım, amma sizin sözünüzdən elə başa düşürəm ki, buralarda onu görə bilərəm (gülümsəyir).
- Mixayıl, söz soruşum, adın mənə maraqlı gəldi. Kim qoyub adını?
- Atam. Mən özüm Almaniyada anadan olmuşam, atam hərbçi olub, öz dostunun adını mənə qoyub. Xoşunuza gəlmir?
- Əksinə, çox xoşuma gəlir. Elə özün də adın kimi yaraşıqlısan.
- Utandırdınız məni (gülür).
- Mixayıl, nə isə demək istəyərdin? Bəlkə Yusifə, Mədinəyə və ya Mələyə sözün var? Yusif hərbçi olmaq istəyir, deyəsən...
- Sağ-salamat olsunlar. İnşallah arzularına çatsınlar, bilirəm ki, bacaracaqlar. Amma tək istəyim odur ki, uşaqlarım vətənə sevgi ilə böyüsünlər. Qalanı düzələndir. Mən gedim, vaxtdır, vətən cağırır... başqa vətən, əbədi...

Milli.Az

Milli.Az - Xəbər Portalı

Şəhid Mixayıl Həmidovla "Olmayan Bir Müsahibə ..."

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?