Cəmiyyət

"Cəbhə bölgəsində smartfondan istifadə etmək olmaz" - Deputat

11 Sentyabr 2020 12:35
Baxış: 908
VTB-də minimal faiz dərəcəsi ilə nağd kredit 10.49%-dən

Hərbi qulluqçular bütün məsələlərdə ayıq-sayıq olmalıdırlar.

Milli.Az bildirir ki, bunu Trend-ə açıqlamasında Milli Məclisin deputatı, professor Rüfət Quliyev deyib.

Deputatın sözlərinə görə, informasiya təhlükəsizliyi baxımından, hərbçinin xidməti ərazidə smartfon telefon istifadə etməsi düzgün deyil:

"Müharibə vəziyyətində olan bir dövlət kimi, daha diqqətli olmalıyıq. Çünki düşmən müxtəlif vasitələrlə bizdə olan vacib məlumatı əldə etməyə çalışır. Buna imkan yaratmaq olmaz".

R.Quliyevin sözlərinə görə, dövlətin ərazi təhlükəsizliyini təmin edən hərbi qulluqçular bütün məsələlərdə ayıq-sayıq olmalıdırlar:

"Hərbi qulluqçulara ailə üzvləri, tanışları, yaxınları ilə əlaqə saxlamağa sadə telefonlarla şərait yaratmaq lazımdır. Bu şərait təmin olunduğu halda, hərbçinin smartfondan istifadə etməsinə ehtiyac qalmır. Ümumiyyətlə, cəbhə bölgəsində smartfonlardan istifadə etmək olmaz".

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

ILK-10 Azeri Website Directory