Cəmiyyət

Tibb bacılarımız niyə təzə doğulmuş körpəyə "Allah xeyir verməsin" dedi?

11 Oktyabr 2018 12:17
12 Şərh     Baxış: 9 713

Feysbukda tanış olduğum həkim məni qısa müddətdə siqareti tərgitdirəcəyinə inandırmışdı. Yaşlı, qozbel kişiydi. Özəl xəstəxanada çalışır. Yanına gedəndə isti qarşıladı. Ayaqda qalmamağım üçün oturmağıma işarə elədi. Sonra dolabçadan şüşə qab çıxardı. İçində pis qoxulu nəsə vardı. Dedi, bu qarışıq səni siqaretdən biryolluq uzaqlaşdıracaq. Cümləsini təntənəli nidayla bitirdi. Şüşəni əlimə götürüb ehmalca iylədim. Həqiqətən, iyrənc idi. Qayıtdı ki, 100 manat verəcəksən, vəssalam. Duruxdum. Dedim, məndə o qədər pul hardandı, doktor? Diksindi. Ayağa qalxıb o baş-bu başa addımladı. Dedi, 50 manat. Hə, 50 manat! Ver, heç kimə heç nə demədən bunu götür, get. Bu dəfə acizanə baxışlarımla pulumun olmadığını göstərdim. Tamam özündən çıxdı. Yumruqlarını düyünlədi. Sonra əllərini açıb gülümsündü. Qayıtdı ki, iyirmicə manatı qoy masanın üstünə, götür get. Dinmədim. Lombasıyla tüpürdü şüşə qabın içinə. Mən də özümdən çıxdım. Qapını çırpıb çıxdım çölə. Arxamca şüşəni çırpdı divara. Salam-sağ olumuz bu məşum sonluqla da bitdi.

Sonralar öyrəndim ki, öz qarışığını 2-3 siqaret asılısına 50-60 manata sırıyıb. Hələ qarışıqdan fayda görməyən bir nəfərlə əlbəyaxa olub. Zorla aralayıblar. Adam ödədiyi pulu, həkimsə ondan vaxt tələb edirmiş. Belə...

Bu hadisəni Azərbaycan həkiminin xəstəsinə ümumi münasibəti səviyyəsinə qaldırmaq niyyətim yoxdur. Hərçənd, xəstəxanalarımızda xəstənin səhhəti və heysiyyatı ilə oynamaq, etinasız münsaibətlə təhlükəyə çəkmək halları kifayət qədər olub və bu narazılıq aktualdır. Ölkədə həkimlərlə bağlı əsas problemlərdən biri onların xəstə üzərindəki hakimiyyətini danlamalarla, qışqır-bağırla, tibbi biliklərini xəstənin gözünə soxmaqla (bağırsağımı yoxlatmaq üçün getdiyim həkim buna ən yaxşı nümunədir. İstifadə etdiyi aparatı istehsal edən şirkətin adını deyəndə gözlərini bərəltdi. "Sən qanmarsan" ədasıyla sözümü ağzımda qoydu) möhkəmləndirmək cəhdidir. Bundan əlavə, heç bir tibbi əsası olmadan xəstə orqanizminə etdikləri istənilən müdaxiləyə boğazdanyuxarı zəmanət verirlər (diş həkimim də beləcə alt dişlərimə qoyduğu plomba 1 il zəmanət verib pulunu artıqlamasıyla almışdı. Bir ay keçmədi, ovxalanıb töküldü).

Həkimin vicdanla işləməsi üçün nəyə and içməsinin xəstəyə heç bir aidiyyəti yoxdur. O, yalnız mərhəmət, dəqiqlik, mümkün qədər az ödəniş müqabilində çoxlu fayda, xeyir, sağalmaq istəyir. Bəli, çox sadədir. Tələb daha çox yaşamağa göstərilən xidmətin keyfiyyətli və ucuz olmasıdır.

Doğum evlərindən gileylənənlər daha çoxdur. Qiymətlər baha, xəstəxana şərtləri ağır, həkimlər, onların köməkçiləri pulgir, belə deyirlər. Xəstəxananın qapıçısından tutmuş, baş həkimə qədər hamısı şirinlik tamarzısında olur. Bu istəkləri ilə silahlanıb düşürlər xəstənin yaxınlarının canına. Mövqeyindən, vəzifəsindən asılı olaraq hər şirinlik istəyənin də öz gözləntisi, tələbi olur. Bu tələb qarşılanmadıqda üzləri çönür, nə yeni doğulmuş körpə, nə də anası veclərinə olur. "Yolaverdi" xidmətə keçirlər. Ən ucuz münasibət növü olan "mənəvi öhdəlik" yaddan çıxır. Xəstənin özü və yaxınları ilə eybəcər rəftar edirlər.

Doğum evlərinin birində rastlaşdığım mənzərə daha dəhşətli idi. Xəstəxananı əhatə edən hasarın hər yeri yeni doğulan körpənin adıyla, doğulduğu tarixlə, onları mədh edən qırıq-qırıq sözlərlə doludur. Belə demək olarsa, hasar yazıq-yazıqdır. Harasına baxsan, müxtəlif körpə adlarını, valideynlərin, nənə-babanın onlara təbrikini soyuq divardan oxuya bilərsən. Bunun nə qədər yaxşı əlamət olub-olmadığı başqa məsələdir. Amma iki tibb bacısının təbaşirlə hasara nə isə yazdığını, məni görəndə duruxduqlarını, oradan bir az uzaqlaşdıqda sağa-sola boylana-boylana işlərinə davam etdiklərini görəndə bu mənzərə maraqlı gəldi mənə. Onların getməsini gözlədim. Yaxınlaşdım hasara. Qırmızı karandaşla yeni doğulan körpənin adı və doğulduğu tarix yazılmışdı. 4-5 gün əvvəl dünyaya göz açıbmış. Təbaşirlə altda belə yazılmışdı: "Allah xeyir verməsin". Sarsıldım. Əlimdəki sudan çiləyib bu dəhşətli qarğışı birtəhər sildim. Görünürdü ki, həmin körpənin yaxınlarından narazı qaldıqlarına görə belə əməl eləmişdilər. Çox güman yenə şirinlik məsələsiymiş.

Həkimlik insana müdaxilənin ən dərin formasıdırsa, həkim də burada bazis icraçıdır. Ondan aşağı vəzifədəkilər - tibb bacıları, qardaşları, nəzarətçilər bu sistemin vacib hissələridir. Nəticədə, xəstənin sağlamlığı komleks işin keyfiyyəti və səmərəli olmasıyla bilavasitə əlaqədardır. Həkimlərdən mərhəmətli olmağı, vicdanlı yanaşmağı və səbrlə davranmağı xahiş edirəm. Qoy istənilən müdaxilələri təkcə tibbi əsasa yox, həm də vicdana, mənliyə söykənsin. Ortadakı insan amili, onun həyatda qalması üçün hər şeyə razı olması vəziyyəti unudulmasın. 

Orxan İsmayıl
Milli.Az

loading...

Şərh yaz:

12 Şərh:

  • Anonim
    Leyla · 11 Oktyabr 12:27212

    Camata pul lazimdidaaaaa sen get isinnen pesennen mesgul ol

    Cavab yaz
    • Anonim
      123 · 11 Oktyabr 13:1630

      Kime pul lazimdisa halal yolnan qazansin qargisla yox

      Cavab yaz
  • Anonim
    Suleyman · 11 Oktyabr 12:2960

    Qardas meqalen gozel.tek hekimlerde yox butun dovlet iscilerin vicdani olsa respulikada hami bir birine daha cox guvener

    Cavab yaz
  • Anonim
    GULNARA · 11 Oktyabr 12:3251

    kim pul usтunde,ne qarqis edib, qan-qaraciliq,niуabeтlik salarsa,aqizlarindan cixib sinelerine тоkulsun,hec xоs gunleri оlmasin,verilen pullar irin-cirk оlub burunlarindan тоkulsun

    Cavab yaz
  • Anonim
    $.$.$. · 11 Oktyabr 12:4640

    BİZ BU QARQIŞLARLA HARA GEDİRİK? Axırımız necə olacaq?

    Cavab yaz
  • Anonim
    Şərhçi · 11 Oktyabr 12:5920

    Ele hamiya pul lazimdur da onda hami 1.1n başını kessin 1manat üstünde ( onsuz da eledie day) esas da bu dogum evleri esl dilençixana cib dolur göz dpymur.ferli xidmet şeraot de yox rayon xestr xanaları xisesen berde bakida esas da respubıika xestexanasi berbaddo xidmetlet puıun ypxdusa yixil öl buni hami bilir düzelen de deyil.ona göre de pilu olan özele qaçır

    Cavab yaz
  • Anonim
    ☆** · 11 Oktyabr 13:0030

    İnsanlıq,vicdan əksər vətəndaşlarımıza lazımdır.Peşəsindən,ən əsas da statusundan asılı olmayaraq.

    Cavab yaz
  • Anonim
    Ida · 11 Oktyabr 13:3510

    Xarici vetendaslarin her-hansi bir xestelikle,yaxud qeza ile xestexanaya yerlesdirilmesi xeberini oxuyanda bele hekimler gozumun onune gelir.Dusunurem ki,bu hekimler olkemize gelen vetendaslarda milletimiz haqqinda heris,pulgir,bir sozle neqativ fikir formalasdirirlar.Ozumuzu demirem cunki biz oyrenceliyik,hekimlerimizi(bezi istisnalar olmaqla)basqa cur tesevvur etmirik.

    Cavab yaz
  • Anonim
    Papatya · 11 Oktyabr 14:3250

    Qizim 1ayliq idi ve gece saat 12 susmur ancaq aglayir, ishal problemi de var. Telesik apardiq xestexanaya. Gece orda qalmalisiniz deyildi. Qizimla qaldim, seheri muayinelere gonderdiler. Tebii ki pulun istediler evvelceden. Dovlet xestexanasi olmasina baxmayaraq. Uzerimde hal hazirda pul yoxdu dedim. Siz ne lazimdisa edin verecem dedim heqiqeten unutmuşdum.Yoldasim da vermeyi unutmuşdu telaşdan. Ve mene verdiyi cavab bu oldu- "Adami bura getirib tullayanda ustune pul qoyarlar da". O qeder pis oldum ve kovreldim ki. Bizi heckim tullamayib dedim. Pulunuz cataq. Seheri odenis edib cixdiq. Ne bilim Allah insaf versin bezilerine. Hamiya aid deyil. Yaxsilari da var tebii ki. Beleleri de...

    Cavab yaz
  • Anonim
    Paro · 11 Oktyabr 15:2230

    Rusun həkimindeki vicdanın, məsuliyyətin,savadin yarısı heç olmasa olaydı bizim ekser həkimlərimizdə.Bizimkilərə pulu versən belə,bilmirsən yazdığı müalicənin sənə xeyri olacaq ya yox.

    Cavab yaz
  • Anonim
    Paro · 11 Oktyabr 15:2541

    Tibb bacıları da həkimlərə baxır, özlərini qoyurlar dağ bawina.Heç olmasa onlar hekimdi,bunlar nəyə özlərini dartır,adam məəttəl qalır.

    Cavab yaz
  • Anonim
    leylaya · 11 Oktyabr 17:1860

    senin basinda ciddi problem var. gic gic serhler yazirsan yazma birdefelik . xestesen sen,axmaqin biri kas sen de o cellad hekimlerin eline dusesen basina it oyunu acib caniva aqri vereler onda da diyersen pulum size halal olsun) zehletoken gic.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.