Cəmiyyət

Uşağın dırnağı necə kəsilməlidir? – İNCƏ MƏQAMLAR

18 Aprel 2017 21:50

1 Şərh Baxış: 1 226

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Körpə uşağın dırnağını kəsmək bir çox anaların qayğılarından biridir. Dərinin kəsilməsi, dırnağın az və ya çox kəsilməsi, körpəni incidib-incitməməsi, dırnağın arasında mikrob qalıb-qalmaması anaları narahat edir.

Milli.Az saglamheyat.com-a istinadən bildirir ki, üstəlik, uşağın da əlini sakit saxlamaması bəzən anaya mane olur. Uşağın dırnağını kəsərkən bəzi incə məqamları diqqətdə saxlamaq lazımdır. Bu işdə Saglamheyat.com sizə kömək edəcək.

- Dırnaq kəsmə əməliyyatına başlamazdan əvvəl ilk növbədə körpəyə uyğun dırnaq qayçısı seçməlisiniz.

- Körpənin dırnaqlarını ən rahat formada onun yatdığına əmin olduğunuz zaman kəsə bilərsiniz. Təbii ki, onu oyandırmamağa çalışın.

- Çox insanda olduğu kimi, körpələrin də dırnağını kəsmək üçün ən uyğun variant çimizdirdikdən sonradır. Suda yumşalan dırnaqları kəsmək həm asan, həm də ağrısız olacaq.

- Əgər uşağın dırnaqlarını o, oyaq ikən kəsmək istəyirsinizsə, yarana biləcək ağrıların qarşısını almaq üçün onun kiçik barmaqlarını möhkəm tutmaq lazımdır. Uşaqlar əllərini davamlı olaraq bağlayıb açmaq istəyirlər. Bu vəziyyətdə dırnaq kəsmək əvəzinə körpənin barmaq uclarını yaralaya bilərsiniz.

- Dırnaqları kəsərkən körpənin dırnaq formasını yaxşı bilməlisiniz. Onun dırnaq quruluşuna uyğun seqment və qövs verməlisiniz. Bu vəziyyət ayaq dırnaqlarını kəsərkən daha asandır.

- Dırnaq kəsmə əməliyyatı bitdikdən sonra dırnaqların üstünü və altını təmizləyin.

- Körpənizin dırnaqlarını kəsərkən qəza etsəniz, həyəcanlanmayın. Təmiz bir bezlə qanı silin və əmin olun ki, tez sağalacaq.

Milli.Az

Digər maraqlı xəbərlər Milli.Az-ın Facebook səhifəsində