Cəmiyyət

İçəri şəhərdə “Intellektual şəhər” şirkəti fəaliyyətə başlayıb – FOTO

2 Mart 2011 13:40

Baxış: 1 545

#SMART SYSTEMS TECHNOLOGİES, INC.

"İçərişəhər" tarix-memarlıq qoruğunda "İntellektual şəhər" şirkətinin açılış mərasimi olub. Şirkət rəqəmsal kabel televiziyası xidməti göstərir, yaxın zamanlarda internet xidmətinində göstərilməsi nəzərdə tutulur.

Açılış mərasimində "AG Telekom" və "Smart Systems Technology MMM" şirkətlərinin rəhbərliyi, "İçərişəhər" tarix-memarlıq qoruğunun rəhbərliyi, Azərbaycan Kabel Operatorları Assosiasiyasının nümayəndələri, həmçinin İnformasiya texnologiyaları və telekommunikasiya sahəsinin tanınmış nümayəndələri iştirak ediblər.

"İntellektual Şəhər" şirkəti hal-hazırda İçəri şəhər sakinlərinə rəqəmsal kabel televiziyası xidmətini göstərir, yaxın zamanlarda şirkətin xidmətlərindən istifadə edərək yüksəksürətli internetlə faydalanmaq mümkün olacaq. Gələcəkdə şirkət dünyanın yeni texnoloqiyalarını tətbiq edərək, İçəri şəhər sakinləri və ziyarətçilərinə multimedia və telekommunikasiya xidmətləri göstərəcək.

Açılışda içtirak edən "AG Telekom" prezidenti Samir Qurbanov kabel çəkilişindən əvvəl "İçərişəhər" tarix-memarlıq qoruğunun əməkdaşları, memar və tarixçilərlə məsləhətləşib. O, görülən işlər zamanı heç bir abidəyə zərər dəyməməsini xüsusi qeyd edib.
"İçərişəhər" tarix-memarlıq qoruğunun rəhbəri Mikayıl Cabbarov görülən işlərin keyfiyyətini yüksək qiymətləndirib.

Milli.Az