Cəmiyyət

Bakıda avtobus sürücüsü ölümcül döyüldü - FOTO +16

23 Sentyabr 2015 18:11

18 Şərh Baxış: 6 159

VTB-də minimal faiz dərəcəsi ilə nağd kredit 9.9%-dən

Bir vaxtlar danayacaqdan kənar avtobus saxladığı üçün qınanan sürücülər indi əks-reaksia ilə üzləşiblər. Dünən səhər Bakıda bir avtobus sürücüsünün döyülməsinə məhz dayanacaqdan kənarda saxlamaması səbəb olub. Sərnişinin döydüyü sürücü kəllə-beyin travması alıb.

Milli.Az musavat.com-a istinadən bildirir ki, hadisə səhər Əhməd Rəcəbli küçəsində, 33 saylı xətdə hərəkət edən avtobusda baş verib. Bir sərnişin sürücü Kamil İbrahimova hücum edib. Döyülən sürücünün qardaşı Ramil İbrahimov deyir ki, hadisəyə səbəb sürücünün avtobusu dayanacaqdan kənarda saxlamaması olub.

Döyülən sürücünü sərnişinin əlindən ətrafda olanlar alıb. Qan içində olan Kamil İbrahimovu digər sürücü yoldaşları 1 saylı Şəhər Kliniki Tibbi Mərkəzə aparıblar, sərnişin isə hadisə yerindən qaçıb. Kəllə-beyin travması alan sürücü Kamil İbrahimovun vəziyyəti ağır olduğundan o, əməliyyat ediləcək.

Hadisə ilə bağlı zərərçəkmişin qardaşı polisə məlumat verib. İndi 5-ci polis bölməsinin əməkdaşları hadisəni törətməkdə şübhəli bilinən həmin şəxsi axtarırlar.

Milli.Az