Cəmiyyət

Ev turizmi sərfəlidirmi? - VİDEO

8 May 2015 11:44
0 Şərh     Baxış: 2 576
VTB-də minimal faiz dərəcəsi ilə nağd kredit 9.9%-dən
#TURİST A.D. #TURİZM
TTV (Region TV) xəbər verir ki, turizm iqtisadiyyatın ən gəlirli sahələrindən biridir. Artıq bunu dünya təcrübəsi də sübut edib. Azərbaycanda da turizm istiqamətində məqsədyönlü işlər görülüb. Turizm obyeklərinin sayı artıb, ölkəyə turist axını güclənib. İstirahət üçün regionlara üz tutan əcnəbi və yerli turistlər qısa müddət də olsa şəhərin səs-küyündən ayrılıb, kənd həyatını yaşamağı arzu edirlər.

Son vaxtlar kəndlərdə  evini turistlərə təklif edənlərin sayı artıb. Başqa sözlə, ev turizmi şəbəkəsi genişlənib. Tovuzun Hacılar kəndində yaşayan Vaqif Əliyev 6 ildir ki, bu işlə məşğuldur. Deyir ki, mövsümi xarakter daşısa da ev turizmi gəlirli sahədir. İstirahətə gələn 1 ailədən xidmət müqabilində ayda 300-350 manat  qazanc əldə edir. Ev sahibi bu işə ailəsini də cəlb edib. Buraya gələn turistləri qonaqpərvərliklə qarşılayan evin xanımı deyir ki,  qonaqlar  daha çox onların həyat tərzi ilə maraqlanırlar.

Mədəniyyət və Turizm Nazirliyinin İdarə rəisi Əlikram Əliyev deyir ki, ev turizmi ilə məşğul olanların sayı hər il artır. Lakin bu sahədə xidmət ürəkaçan səviyyədə deyil. Bu isə turizmin bu növünün daha gəlirli olmasını əngəlləyir.

Nazirlikdə ev turizminin inkişafı ilə bağlı xüsusi layihələr işlənir. Gələcəkdə bu işlə məşğul olanlara xüsusi dəstəyin göstərilməsi, turistlərin daha çox üz tutduğu kəndlərin tərcüməçi ilə təmin edilməsi nəzərdə tutulur. Turistləri qəbul edən evlərin vəziyyəti də daim nəzarətdə saxlanacaq.

Milli.Az

Videonu izləmək üçün şəklə klikləyin.

фото
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.