Cəmiyyət

Azərbaycanda yeni taksi xidməti yaradılır

17 Aprel 2015 12:59
0 Şərh     Baxış: 2 302
VTB-də minimal faiz dərəcəsi ilə nağd kredit 9.9%-dən
#CƏMİYYƏT #YOL #UNİTED KİNGDOM

İlkin olaraq MMC-nin balansına 500 ədəd "London taksisi" veriləcək

Nəqliyyat Nazirliyinin Dövlət Avtomobil Nəqliyyatı Xidmətinin tabeliyində yeni taksi xidməti yaradılır.

Bunu APA-ya açıqlamasında Nəqliyyat Nazirliyinin Katibliyinin rəisi Namiq Həsənov bildirib.

"Nəqliyyat Nazirliyinin rəhbərliyinin təklifi ilə "Bakı Taksi Xidməti" MMC yaradılacaq. Həmin MMC Dövlət Avtomobil Nəqliyyatı Xidmətinin tabeliyində fəaliyyət göstərəcək. Xidmət birbaşa dövlətin nəzarətində olacaq", - deyə N. Həsənov qeyd edib.

Nazirlik rəsmisinin sözlərinə görə, artıq MMC-nin dövlət qeydiyyatına alınması üçün müvafiq işlər aparılır: "Yaxın zamanda xidmət dövlət qeydiyyatına alınacaq. Xidmət İlk Avropa Oyunlarına qədər fəaliyyətə başlayacaq. Hazırda xidmətin binasının tikintisi üzərində də iş aparılır".

Bununla yanaşı, o deyib ki, yeni yaradılacaq MMC-nin balansına ilkin mərhələdə yeni gətirilmiş 500 ədəd "London taksisi" veriləcək.

"Yaradılacaq xidmətin qarşısında qoyulan vəzifələrdən biri sözün əsl mənasında müştərilərə yüksək səviyyədə xidmətlərin göstərilməsidir", - deyə N. Həsənov əlavə edib.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.