Cəmiyyət

Şəmkirin yeni icra başçısı kimdir?

9 Oktyabr 2014 09:26
Baxış: 6 718
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#AZERBAİJAN #CƏMİYYƏT
Dünən Prezident İlham Əliyevin sərəncamı ilə Şəmkir rayonun icra başçısı Nazim Veys oğlu Veysov tutduğu vəzifədən azad edilib. Ölkə başçısının digər sərəncamı ilə bu posta Alimpaşa Adil oğlu Məmmədov təyin edilib.

Milli.Az azvision.az-a istinadən xəbər verir ki, Şəmkinin yeni icra başçısı bu təyinatadək Vergilər Nazirliyinin Bakı şəhər Vergilər Departamentinin rəisi vəzifəsində işləyib. Araşdırmamız zamanı məlum olub ki, Alimpaşa Məmmədov bundan öncə bir sıra vəzifələrdə işləyib.

Belə ki, A.Məmmədov Bakı şəhər Vergilər Departamentinin rəisi vəzifəsində çalışmazdən öncə Salyan şəhərinin və hazırda icra başçısı olduğu Şəmkirin Vergilər İdarəsinin rəisi vəzifələrində işləyib.

A.Məmmədov daha sonra Vergilər Nazirliyinin Operativ Nəzarət İdarəsinə rəis təyin edilib. Bir müddət burada işlədikdən sonra o, Səbayel Vergi İdarəsində rəis olub.

Uzun illər vergi sistemində işləyən A.Məmmədov nazirin əmri ilə Sumqayıt şəhəri, Abşeron, Siyəzən, Xızı rayonlarını əhatə edən 2 saylı Ərazi Vergilər İdarəsinə rəis təyin edilib. Fəaliyyətində göstərdiyi xidmətlərə görə vergilər naziri Fazil Məmmədovun diqqətini çəkən A.Məmmədovun vəzifəsi bir qədər qaldırılaraq Bakı şəhər Vergilər Departamentinin rəisi postu ona həvalə edilib.

Hətta bir müddət əvvəl yerli KİV-lərdə onun icra başçısı vəzifəsinə təyinat alacağı haqda iddialar səsləndirilirdi.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.