Cəmiyyət

Orxan Zeynalov kimin boğazında qalıb?

18 May 2014 19:13
3 Şərh     Baxış: 4 128
VTB-də minimal faiz dərəcəsi ilə nağd kredit 9.9%-dən
#POPULYAR XƏBƏRLƏR #CƏMİYYƏT #RUSİYA #KOMSOMOLETS COAL MİNE OJSC

"Matrosskaya tişina"nı boğaza yığan Orxan Zeynalovun günü karserdə keçir

Ötən ilin payızında Moskvanın Biryulevo rayonunda qətl törədərək iğtişaşlara səbəb olan, "Biryulevo qatili" kimi məşhurlaşan Azərbaycan vətəndaşı Orxan Zeynalov saxlanıldığı "Matrosskaya tişina" təcridxanasının rəhbərliyini boğaza yığıb.

Virtualaz.org saytı xəbər verir ki, təcridxana rəhbərliyi "Moskovskiy komsomolets" qəzetinə açıqlamasında O.Zeynalovun son illərdə orada saxlanılan "ən problemli məhbus" olduğunu deyib.

Xəbərdə bildirilir ki, O.Zeynalovun günü karserdə keçir və o, təkadamlıq kameraya salınma üzrə bütün rekordları vurub keçib.

O.Zeynalov Biryulevo sakini Yeqor Şerbakovu bıçaqlayaraq öldürməkdə ittiham olunur. Bu qətl Moskvada iğtişaşlara və Zeynalovun işlədiyi "Pokrovka" bazarına hücuma, daha sonra bazarın bağlanmasına səbəb oldu. Rusiyada miqrantlara qarşı kütləvi reydlər başladı.

Moskva təcridxanalarının İctimai Nəzarət Komissiyasının üzvləri bu günlərdə "Matrosskaya tişina"da O.Zeynalova baş çəkiblər. Həmin vaxt o, karserə salınıbmış. Karserdə 7 gün saxlanılan O.Zeynalov deyib ki, onu tez-tez bu cür cəzalandırırlar.

Təcridxananın administrasiyası təsdiq edib ki, məhbus özünü çox aqressiv aparır, tez-tez mübahisə edir, daxili qaydalara tabe olmaq istəmir və bu üzdən onu vaxtaşırı olaraq karserə salmalı olurlar.

O.Zeynalov özü də karserə salınmasının haqlı olduğunu şübhə altına almır. Ancaq şikayətlənir ki, müstəntiq ona yaxınları ilə görüşməyə icazə vermir. Bu günlərdə Zeynalovun işi baxılmaq üçün məhkəməyə göndərilib.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.