Cəmiyyət

"Hərəm" sözünün mənası nədir?

16 Yanvar 2014 21:55
0 Şərh     Baxış: 16 943
VTB-də minimal faiz dərəcəsi ilə nağd kredit 9.9%-dən

Dini kitablarda rast gəlinən "hərəm" sözünün mənası nədir? Məsələn, "Məkkə hərəmi" və s.

Milli.Az İslam.az-a istinadən bildirir ki, "Hərəm" ərəb dilində "qadağan olunmuş yer" deməkdir. Bu sözün mənalarından biri "arvad, zövcə" deməkdir. Amma çox zaman müqəddəs ziyarətgah məkanlarına hərəm deyirlər. Çünki birincisi, kiminsə bu məkanları öz mülkiyyətinə çevirməsi haramdır. İkincisi, bu yerlərdə müəyyən davranış və ədəb-ərkan qaydalarına riayət etmək, məkanın ehtiraminı qorumaq lazımdır; ədəbsizlik, sayğısızlıq etmək bu yerlərdə haramdır. Dini kitablarda Həzrət Mühəmməd Peyğəmbərin (s) dəfn olunduğu Mədinə məscidini "Mədinə hərəmi", Həzrət Əlinin (ə) Nəcəfdəki məqbərəsini "Əli hərəmi", İmam Hüseynin (ə) Kərbəladakı məzarını "Kərbəla hərəmi" adlandırırlar.

Şəriət termini olaraq, hərəm - Məkkə ətrafındakı müəyyən əraziyə deyilir. Həmin əraziyə yalnız ehram geyinmiş halda daxil olmağa icazə verilir. Hərəm ərazisinə daxil olduqdan sonra bəzi əməllər insana haram olur. Məsələn, hərəmin hüdudları daxilində ov etmək, ağacları sındırmaq, bitkiləri qoparmaq və s. qadağandır. Hərəmin hüdudları barədə şiə və sünni məzhəblərinin görüşləri bir qədər fərqlidir.
 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.