Cəmiyyət

Günəş tutuldu: bu hadisəni Bakıda da gördülər

3 Noyabr 2013 17:50
0 Şərh     Baxış: 5 480
VTB-də minimal faiz dərəcəsi ilə nağd kredit 9.9%-dən
#AZERBAİJAN #EKVATOR
Noyabrın 3-də insanlar Bakıda Günəş tutulmasını müşahidə ediblər.

Azərbaycan Milli Elmlər Akademiyası (AMEA) N.Tusi adına Şamaxı Astrofizika Rəsədxanasından (ŞAR) Trend-ə bildiriblər ki, Günəş tutulması saat 14:06-da başlayıb, 19:28-də sona çatacaq. Günəş tutulması, əsasən, ekvator boyunca özünü göstərir, Afrika, Amerikanın bir hissəsini əhatə edir.

Bakıda isə Günəş tutulması 17:24-də müşahidə edilib: "Bakıda Günəş tutulması axşam tərəfi - günün batmasına 5-10 dəqiqə qalmış müşahidə edilib. Həmin vaxt Günəşin aşağı hissəsindən kiçik bir hissə qaralmağa başlayacaq. Bu qaraltı Ayın Günəşin qarşısını kəsdiyi hissədir. Biz onu təxminən 8-9 dəqiqə ərzində gözlə müşahidə edə biləcəyik".

Azərbaycanda Günəş tez - təxminən 17:30-da batdığı üçün tutulma hadisəsinin sona çatmasını görmək mümkün olmayıb.

Məlumata görə, Günəş tutulmaları gözlə görüldükdə insanlara yalnız psixoloji baxımdan təsir edə bilər. Bu hadisələrin insan səhhətinə başqa heç bir təsiri olmur.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.