Cəmiyyət

Ali-İmran surəsində adı çəkilən İmran kimdir?

21 May 2013 19:25
0 Şərh     Baxış: 2 977
VTB-də minimal faiz dərəcəsi ilə nağd kredit 9.9%-dən
Milli.Az İslam.az-a istinadən bildirir ki, bu ayələrdə adı çəkilən İmranın kim olması barədə əsasən iki nəzəriyyə mövcuddur. Bəzi alimlərin fikrincə, İmran Həzrət Yəqub Peyğəmbərin (ə) nəvəsinin nəvəsidir, Həzrət Musa və Harun Peyğəmbərlərin (ə) atasıdır (İmran ibn Yəshər ibn Qahis ibn Laviy ibn Yəqub).

Dini mətnlərdə, eləcə də, klassik ədəbiyyatda Həzrət Musa Peyğəmbər (ə) "Musa ibn İmran" adlandırılır. Həmçinin, yuxarıdakı ayədə ülul-əzm peyğəmbərlər Adəm, Nuh və İbrahimdən (ə) sonra sıra ilə Həzrət Musa Peyğəmbər (ə) gəlməlidir deyə, bu fikri müdafiə edənlər çoxdur.

Digər tərəfdən, bundan sonrakı ayədə "İmranın zövcəsi" ifadəsi işlədilir ki, bu da Həzrət Məryəmin anasına işarədir.

Ona görə bəzi alimlərin fikrincə, ayədəki İmran - Həzrət Süleyman Peyğəmbərin (ə) nəslindəndir və bakirə Məryəmin atasıdır (İmran ibn Həşm ibn Əmun). Qurani-kərimin 3-cü surəsi "Ali-İmran" adlanır ki, bu da İmranın nəsli, İmranın ailəsi mənasını verir. Beləliklə, birinci nəzəriyyəyə görə Ali-İmran Həzrət Musa və Harundan (ə), onların nəslindən, ikinci nəzəriyyəyə görə Həzrət Məryəmdən və onun oğlu Həzrət İsa Peyğəmbərdən (ə) ibarətdir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.