Cəmiyyət

Susuzluq Ucarda həyatı iflic edib

4 Avqust 2026 14:42

Baxış: 1 331

VTB-də minimal faiz dərəcəsi ilə nağd kredit 9.9%-dən

Ucar rayonunun təxminən 4 min nəfər əhalisi olan Alpout kəndində uzun illərdir su problemi davam edir. Sakinlər bildirirlər ki, həm içməli, həm də əkin sahələrinin suvarılması üçün su qıtlığı gündəlik həyatlarını ciddi şəkildə çətinləşdirir.

Milli.Az xəbər verir ki, onların sözlərinə görə, arx suyu əsasən əkin sahələrinə yönəldildiyindən kəndə ya ümumiyyətlə su çatmır, ya da ayda cəmi bir neçə dəfə verilir. Bu vəziyyət su üstündə mübahisələrə, hətta xəsarətlə nəticələnən insidentlərə səbəb olur.

Kənd sakinləri bildiriblər ki, hazırkı isti havalarda nə öz ehtiyaclarını, nə də heyvanların su tələbatını qarşılaya bilirlər. Onlar problemin həlli üçün aidiyyəti qurumların təxirəsalınmaz tədbirlər görməsini istəyirlər.

Müəllif: Aysel Əkbər (Milli.Az müxbir)