Cəmiyyət

Bakıxanov parkında nə baş verir? - İddialara aydınlıq gətirildi

3 İyun 2026 17:08
Baxış: 342
VTB-də minimal faiz dərəcəsi ilə nağd kredit 9.9%-dən
Sosial şəbəkələrdə Sabunçu rayonunun Bakıxanov qəsəbəsində yerləşən park ərazisində ağacların kəsilərək yerində yeni obyekt inşa olunduğu iddiaları gündəmə gəlib.

Milli.Az xəbər verir ki, aparılan araşdırmalar nəticəsində məlumatların reallığı tam əks etdirmədiyini müəyyənləşdiriblər. Bildirilib ki, ərazidə görülən işlər zamanı ağaclara zərər dəyməyib, əksinə onların hamısı aidiyyəti qurumlar tərəfindən qeydiyyata alınaraq işarələnib.

Ərazidə aparılan işlərə cavabdeh olan Füzuli Ağayev qeyd edib ki, sözügedən tikili uzun illərdir fəaliyyət göstərir və hazırda burada yeni tikinti deyil, təmir və abadlıq işləri həyata keçirilir.

Onun sözlərinə görə, obyekt 10 ildən artıqdır mövcuddur və ərazi hər zaman yaşıllıqlarla əhatə olunub. Hazırda köhnə konstruksiyaların yenilənməsi və ümumi görünüşün yaxşılaşdırılması istiqamətində işlər görülür.

Füzuli Ağayev əlavə edib ki, ağacların vəziyyəti müvafiq qurumlar tərəfindən yoxlanılıb, onlar qeydiyyata alınaraq nömrələnib və mütəmadi olaraq qulluq göstərilir. O, həmçinin obyektlə bağlı bütün sənədlərin qaydasında olduğunu və tikilinin rəsmi çıxarışının mövcudluğunu bildirib.

Asya
Milli.Az 

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.