Cəmiyyət

Birinci sinifə qəbul qaydaları AÇIQLANDI

28 Aprel 2026 12:17
Baxış: 793
VTB-də minimal faiz dərəcəsi ilə nağd kredit 9.9%-dən

Birinci sinifə qəbul prosesi əsasən elektron qaydada həyata keçirilir və bu mərhələdə hər hansı müsabiqə və ya müsahibə nəzərdə tutulmur.

Milli.Az xəbər verir ki, bunu Elm və Təhsil Nazirliyinin tabeliyində fəaliyyət göstərən Məktəbəqədər və Ümumi Təhsil üzrə Dövlət Agentliyinin (MÜTDA) direktoru Eşqi Bağırov media üçün brifinqdə deyib.

Onun sözlərinə görə, yalnız təhsilini xarici dillərdə almaq istəyən şagirdlər üçün müsahibə mərhələsi tətbiq edilir. 

"Bu müsahibələrin keçirilməsi qaydaları və qiymətləndirmə meyarları nazirliyin kollegiya qərarı ilə təsdiqlənib və ictimaiyyət üçün açıqdır".

E. Bağırov qeyd edib ki, məktəbəhazırlıq qruplarında təhsil alan təxminən 90 minə yaxın uşaq birbaşa birinci sinfə keçid alır.

Əlavə edib ki, ölkə üzrə 4000 məktəbdən yalnız 70-80-də şagird sıxlığı yüksək olduğuna görə prioritetli qəbul tətbiq olunur. Bu məktəblərdə ilk mərhələdə həmin ərazidə yaşayan valideynlər üçün seçim imkanı yaradılır. Bir aylıq müddət başa çatdıqdan sonra isə boş qalan yerlər digər vətəndaşlar üçün açıq elan edilir.

Bildirib ki, əsas hədəf əhatəliliyin artırılmasıdır.

"Ölkədə qəbul edilmiş strategiyaya əsasən, 2026-cı ilin sonunadək bu göstəricinin 50 faizə çatdırılması planlaşdırılır. 2022-ci ildə əhatəlilik səviyyəsi 30 faizə yaxın olduğu halda, hazırda bu rəqəm 40 faizə çatıb və ilin sonuna qədər 50 faizə yüksəldilməsi nəzərdə tutulur".

Mina Mikayılova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.